స్టైలీష్‌ స్టార్‌ అల్లు అర్జున్‌ నటిస్తున్న తాజా చిత్రం ‘పుష్ప’. సుకుమార్‌ దర్శకత్వంలో తెరకెక్కుతున్న యాక్షన్‌ థ్రిల్లర్‌ ‘పుష్ప’. రష్మిక కథానాయిక. రెండు భాగాలుగా తెరకెక్కుతుంది. ఇక రేపు రష్మిక ఫస్టులుక్ ను వదలడానికి రంగం సిద్ధమైంది. రేపు ఉదయం 9:45 నిమిషాలకు ఈ సినిమా నుంచి ఆమె ఫస్టులుక్ ను రిలీజ్ చేయనున్నారు. అందుకు సంబంధించిన ఒక ప్రకటనను చేశారు.
ఈ సినిమాకి దేవిశ్రీప్రసాద్ సంగీతాన్ని అందించాడు. ఇటీవల విడుదల చేసిన ‘దాక్కో దాక్కో మేక’ అనే లిరికల్ వీడియో సాంగ్ కి అనూహ్యమైన రెస్పాన్స్ వస్తోంది. ఇంతవరకూ 80 మిలియన్ వ్యూస్ కి పైగా రాబట్టడం విశేషంగా చెబుతున్నారు. ఈ సినిమాను ‘క్రిస్మస్’ కి రిలీజ్ చేయనున్నట్టు చెప్పినప్పటికీ, ఆలస్యమయ్యే అవకాశాలు ఉన్నట్టుగా చెబుతున్నారు.
