కన్నడ రాకింగ్ స్టార్ యశ్ – శ్రీనిధి శెట్టి జంటగా నటిస్తున్న ‘కేజీఎఫ్ ఛాప్టర్-2’. ఈ సినిమా విడుదల కోసం ప్రేక్షకులు ఎంతగానో ఎదురు చూస్తున్నారు. దాదాపు షూటింగ్ కంప్లీట్‌ చేసుకున్న ఈ సినిమాలో ఉత్తరాదికి చెందిన స్టార్స్‌.. సంజయ్ దత్, రవీనాటాండన్ ఇతర కీలక పాత్రలు పోషించారు. జులై 16న ఈ చిత్రాన్ని విడుదల చేస్తామని ప్రకటించినప్పటికీ.. కరోనా సెకండ్ వేవ్ కారణంగా మళ్లీ వాయిదా పడే సూచనలు కనిపిస్తున్నాయి. దసరాకు ఈ సినిమా ప్రేక్షకుల ముందుకు వచ్చే అవకాశాలు కన్పిస్తున్నాయి. తాజాగా ఈ చిత్రం నుండి టాలీవుడ్‌ నటుడు రావు రమేష్ లుక్ విడుదల చేశారు మేకర్స్.
‘కేజీఎఫ్: చాప్టర్ 2’లో సీనియర్ క్యారెక్టర్ ఆర్టిస్ట్ రావు రమేష్ చాలా ముఖ్యమైన పాత్ర పోషిస్తున్నారు. ఈ చిత్రంలో రావు రమేష్ కన్నెగంటి రాఘవన్ గా సిబిఐ ఉన్నతాధికారిగా కనిపిస్తాడు. ఈ రోజు ఆయన పుట్టినరోజు సందర్భంగా ఫిల్మ్ యూనిట్ కేజీఎఫ్-2 నుంచి రావు రమేష్ లుక్ ను విడుదల చేసింది. ఈ చలన చిత్రంలో అతని పాత్ర గురించి సూచనలు ఇచ్చింది. ప్రత్యేకంగా రూపొందించిన వార్తాపత్రిక కథనాన్ని పంచుకుంటూ డైరెక్టర్‌ ప్రశాంత్ నీల్ ట్వీట్ చేశారు. రావు రమేష్ కోసం ప్రత్యేకంగా తయారు చేసిన పోస్టర్ లో ”సిబిఐ అత్యున్నత అధికారి కన్నెగంటి రాఘవన్ పుట్టినరోజును ఈ రోజు. ఇప్పుడు సిబిఐ ఇంటరెస్ట్ ఏమిటి? కెజిఎఫ్ లేదా రాకీనా? నరాచీ సున్నపురాయి కార్పొరేషన్ వెనుక సత్యాన్ని ఆవిష్కరించడంలో రాఘవన్ విజయం సాధిస్తారా?” అనే హెడ్ లైన్స్ కేజీఎఫ్ టైమ్స్ మొదటి పేజీలో ప్రచురించబడ్డాయి.
Wishing the versatile actor #RaoRamesh sir a very safe Happy Birthday.
Here’s a glimpse of #KannegantiRaghavan in #KGFChapter2.
Stay home stay safe everyone🙏🏻 pic.twitter.com/V1nWcJtthg— Prashanth Neel (@prashanth_neel) May 25, 2021
