టాలీవుడ్‌ యంగ్‌ హీరో పంజా వైష్ణ‌వ్ తేజ్ న‌టిస్తున్న తాజా చిత్రం ‘రంగ రంగ వైభవంగా’. గిరీసాయ ద‌ర్శ‌క‌త్వం వ‌హిస్తున్న ఈ సినిమాలో కేతిక శ‌ర్మ హీరోయిన్‌గా న‌టిస్తుంది. ఈ మూవీ ట్రైల‌ర్‌ను తాజాగా విడుదల చేశారు.
ఈ ట్రైలర్ ల‌వ్‌, ఎమోష‌న్‌, సీరియ‌స్, ఫ‌న్ ఎలిమెంట్స్ తో సాగుతూ క్యూరియాసిటీని క‌లిగిస్తోంది. సిల్వ‌ర్ స్క్రీన్‌పై కేతిక శ‌ర్మ, వైష్ణ‌వ్ తేజ్ కెమిస్ట్రీ బాగా వ‌ర్క‌వుట్ అయింద‌ని ట్రైలర్ చూస్తే అర్థమౌతుంది. శ్రీ వెంక‌టేశ్వ‌ర సినీ చిత్ర బ్యాన‌ర్‌పై బీవీఎస్ఎన్ ప్ర‌సాద్ ఈ సినిమాని నిర్మిస్తున్నారు. దేవీ శ్రీ ప్ర‌సాద్ సంగీతం అందిస్తున్నారు. ఇప్ప‌టికే విడుద‌లైన టీజ‌ర్‌, సాంగ్స్ కు మంచి స్పంద‌న వ‌స్తోంది. సెప్టెంబర్‌ 2న ప్రేక్షకుల ముందుకు రాబోతుంది.
