హీరో నితిన్ ప్రస్తుతం వెంకీ అట్లూరి దర్శకత్వంలో ‘రంగ్ దే’ సినిమా చేస్తున్న విషయం తెలిసిందే. బ్యూటిఫుల్ లవ్ స్టోరీగా తెరకెక్కుతున్న ఈ సినిమాలో కీర్తి సురేష్ హీరోయిన్ గా నటిస్తోంది. పీడీవీ ప్రసాద్ సమర్పణలో సితార ఎంటర్టైమెంట్స్ బ్యానర్ పై సూర్యదేవర నాగవంశీ ఈ చిత్రాన్ని నిర్మిస్తున్నారు. ఈ చిత్రానికి దేవి శ్రీ ప్రసాద్ మ్యూజిక్ అందిస్తున్నాడు. ఇప్పటికే విడుదలైన ఈ సినిమా ఫస్ట్‌లుక్ పోస్టర్ కి మంచి స్పందన వచ్చింది. కరోనా పరిస్థితుల కారణంగా షూటింగ్ వాయిదా వేసుకున్న ఈ సినిమా త్వరలోనే మళ్ళీ చిత్రీకరణ ప్రారంభించబోతుందని సమాచారం.
కాగా హీరో నితిన్ – షాలినిల వివాహం సందర్భంగా ‘రంగ్ దే’ టీమ్ మ్యారేజ్ గిఫ్ట్ ఇవ్వడానికి రెడీ అయింది. ‘రంగ్ దే’ సినిమా నుంచి నితిన్-కీర్తి సురేష్ కలిసి ఉన్న ఓ క్యూట్ పిక్ రిలీజ్ చేసి జూలై 26న 4 గంటల5 నిమిషాలకు మ్యారేజ్ గిఫ్ట్ఇ వ్వబోతున్నట్లు ప్రకటించింది మూవీ యూనిట్. దీంతో నితిన్ అభిమానులు ‘రంగ్ దే’ నుంచి రాబోయే గిఫ్ట్ కోసం ఆశక్తిగా ఎదురు చూస్తున్నారు.
