Ram Pothineni Next Movie:
యువ హీరో రామ్ పోతినేని.. పూరి జగన్నాథ్ దర్శకత్వంలో నటించిన డబుల్ ఇస్మార్ట్ సినిమా ఆగస్టు 15న విడుదల కి సిద్ధం అవుతుంది. ఇప్పటికే సినిమా పనులు మొత్తం పూర్తయిపోయాయి. చిత్ర బృందం సినిమా ప్రమోషన్స్ తో బిజీగా ఉంది. సినిమాపై భారీ అంచనాలు కూడా ఉన్నాయి.
దీంతో వస్తేనే మాకు కచ్చితంగా హిట్ అవుతుందని అభిమానులు ఆశిస్తున్నారు. గతంలో వీళ్ళిద్దరి కాంబోలో వచ్చిన ఇస్మార్ట్ శంకర్ భారీ బ్లాక్ బస్టర్ అయింది. ఆ సినిమాకి సీక్వల్ గానే ఈ సినిమా తెరకెక్కుతోంది. ఈ సినిమా ఎలా ఉండబోతుందో అని అభిమానులు ఆసక్తిగా ఎదురుచూస్తున్నారు.
అంతేకాకుండా ఈ సినిమా తర్వాత రామ్ ఎవరితో సినిమా చేయబోతున్నారు అనేది ఇప్పుడు హాట్ టాపిక్ గా మారింది. డబుల్ ఇస్మార్ట్ సినిమా తర్వాత రామ్ పోతినేని మహేష్ బాబు తో ఒక సినిమా చేయబోతున్నారు. మహేష్ బాబు అనగానే సూపర్ స్టార్ మహేష్ బాబు అనుకుంటున్నారా?
రాజమౌళి వంటి స్టార్ హీరో డైరెక్టర్ తో సినిమా చేస్తున్న మహేష్ బాబు ఇప్పట్లో ఖాళీ అయ్యే ప్రసక్తే లేదు. మహేష్ బాబు అంటే సూపర్ స్టార్ మహేష్ బాబు కాదు. డైరెక్టర్ మహేష్ బాబు. ఈ మధ్యన మిస్ శెట్టి మిస్టర్ పోలిశెట్టి అనే సినిమాతో ఇండస్ట్రీకి పరిచయమయ్యారు డైరెక్టర్ మహేష్ బాబు పి. అనుష్క, నవీన్ పోలిశెట్టి నటించిన ఈ సినిమా మంచి హిట్ అయింది.
ఇప్పుడు మహేష్ బాబు రామ్ హీరోగా ఒక సినిమా చేయబోతున్నారు. మిస్ శెట్టి మిస్టర్ పొలిశెట్టి లాగానే.. ఈ సినిమాకి కూడా ఒక విభిన్నమైన కథ ఉండబోతోందని తెలుస్తోంది. అయితే ఆ కథ ఏంటి అనే విషయంపై ఇంకా క్లారిటీ రావాల్సి ఉంది. ప్రముఖ నిర్మాణ సంస్థ మైత్రి మూవీ మేకర్స్ వారు ఈ సినిమాని నిర్మిస్తున్నారు.
ప్రస్తుతం చిత్ర బృందం సినిమా కోసం క్యాస్టింగ్ పనులతో బిజీగా ఉంది. వచ్చేనెల సినిమా షూటింగ్ కోసం సెట్స్ నిర్మించబోతోంది. సెప్టెంబర్ నుంచి ఈ సినిమా షూటింగ్ మొదలయ్యే అవకాశాలు ఎక్కువగా కనిపిస్తున్నాయి. సినిమాకి సంబంధించిన అధికారిక ప్రకటన త్వరలో వెలువడనుంది.
