Double iSmart Promotions:
లైగర్ సినిమాతో డిజాస్టర్ అందుకున్న పూరీ జగన్నాథ్ ఈసారి రామ్ పోతినేని హీరోగా నటిస్తున్న డబల్ ఇస్మార్ట్ సినిమాతో బ్లాక్ బస్టర్ అందుకుంటారు అని అభిమానులు ఇప్పటినుంచే కామెంట్లు చేస్తున్నారు. ఈ సినిమా భారీ అంచనాల మధ్య ఆగస్టు 15న విడుదలకు సిద్ధం అవుతుంది.
ప్రముఖ బాలీవుడ్ నటుడు సంజయ్ దత్ ఈ సినిమాలో మెయిన్ విలన్ పాత్రలో కనిపించనున్న సంగతి తెలిసిందే. తాజాగా ఆ సినిమాకి సంబంధించిన ప్రమోషనల్ ఈవెంట్లో మాట్లాడుతూ సంజయ్ దత్ పూరి జగన్నాథ్, రామ్ తో కలిసి నటించడం చాలా బాగుంది అని.. షూటింగ్ అంతా కూల్ అండ్ ఎనర్జిటిక్ సాగిపోయింది అని అన్నారు.
అదే ఈవెంట్లో రామ్ మాట్లాడుతూ.. తన పాత్ర గురించి కొన్ని ఆసక్తికరమైన కామెంట్లు చేశారు. సినిమా స్టోరీ మొత్తం ముంబై బ్యాక్ డ్రాప్లో సాగుతుంది అని అన్నారు. బిగ్ బుల్ క్యారెక్టర్ కి సంజయ్ దత్ చాలా పర్ఫెక్ట్ గా సెట్ అయ్యారు అని చెప్పారు రామ్. నేను చేసిన ఇస్మార్ట్ శంకర్ క్యారెక్టర్ మెంటల్ మాడ్నెస్ గా ఉంటుంది. కానీ ఈ క్యారెక్టర్ ని రియల్ లైఫ్ లో నేను అసలు ఎంకరేజ్ చేయను. ఎవరు నేను చేసిన ఇస్మార్ట్ శంకర్ పాత్రని స్ఫూర్తిగా తీసుకోవద్దు. బయట అలా ప్రవర్తించే ప్రయత్నం కూడా చేయవద్దు. ఒకవేళ ఇస్మార్ట్ శంకర్ క్యారెక్టర్ చేసిన కూడా వెంటనే జైల్లో పెట్టేస్తారు” అంటూ హెచ్చరించాడు రామ్ పోతినేని. సినిమా గురించి మాట్లాడుతూ.. సినిమా చాలా బాగా వచ్చింది అని.. ప్రేక్షకులు అందరూ సినిమాని బాగా ఎంజాయ్ చేస్తారు అంటూ హామీ ఇచ్చాడు రామ్.
కావ్య థాపర్ ఈ సినిమాలో హీరోయిన్గా కనిపించనుంది. పూరి కనెక్ట్ పతకం పై పూరి జగన్నాథ్ స్వయంగా ఈ సినిమాని నిర్మించారు. మణిశర్మ ఈ సినిమాకి సంగీతాన్ని అందించారు. ఉస్తాద్ ఇస్మార్ట్ శంకర్ సినిమాకి రెండవ భాగంగా ఈ చిత్రం తెరకెక్కనుంది. ఇస్మార్ట్ శంకర్ లాగా డబల్ ఇస్మార్ట్ కూడా అంతే రేంజ్ లో హిట్ అవుతుందో లేదో వేచి చూడాలి.
