రాజమౌళి డైరెక్షన్‌లో రామ్ చరణ్, ఎన్టీఆర్ హీరోగా తెరకెక్కుతున్న భారీ మాల్టీస్టారర్‌ మూవీ ‘ఆర్ఆర్ఆర్’ షూటింగ్‌కు సంబంధించిన ఓ వీడియోను ఆ సినిమా యూనిట్ ఇన్‌స్టాగ్రామ్‌లో పోస్ట్ చేసింది. ప్ర‌స్తుతం ఈ సినిమా క్లైమాక్స్ షూటింగ్ జ‌రుగుతోన్న విష‌యం తెలిసిందే. నీళ్లలో నిప్పు అంటూ చెర్రీపై చిత్రీకరిస్తున్న ఓ సన్నివేశానికి సంబంధించిన ఓ షాట్ ను ఆ సినిమా యూనిట్ పంచుకుంది.
ఇప్పటికే అల్లూరి సీతారామరాజుగా నటిస్తోన్న రామ్ చరణ్ కు సంబంధించిన టీజ‌ర్‌‌ను ఇప్పటికే సినిమా బృందం విడుద‌ల చేసింది. నిప్పు మ‌ధ్యలో ఆయ‌న పోరాటానికి సిద్ధ‌మ‌వుతున్న‌ట్లు ఉన్న ఆ టీజ‌ర్ ప్రేక్షకులను ఆకట్టుకుంది. మ‌రోవైపు ఈ సినిమాలో కొమరం భీమ్‌గా నటిస్తోన్న ఎన్టీఆర్ టీజ‌ర్ సంద‌ర్భంగా ఆయ‌న నీళ్లలోంచి ఆయుధం తీస్తున్న‌ట్లు చూపించింది. చెర్రీని నిప్పుగా, ఎన్టీఆర్‌ను నీరుగా ఈ సినిమా యూనిట్ పేర్కొంటోన్న విష‌యం తెలిసిందే. ఈ ఏడాది అక్టోబర్ 13వ తేదీన ఈ సినిమా ప్రేక్షకుల ముందుకు రానుంది.
View this post on Instagram
