RC16 shooting update:
మెగాపవర్ స్టార్ రామ్ చరణ్ RC16 సినిమా కోసం సిద్ధమవుతున్నారు. ఈ సినిమా పల్లెటూరి నేపథ్యంలో ఒక పవర్ ఫుల్ కథతో ప్రేక్షకుల ముందుకు రానుంది. ఉప్పెన సినిమాతో డైరెక్టర్ గా రంగంలో అడుగుపెట్టిన బుచ్చి బాబు సనా ఈ చిత్రానికి దర్శకత్వం వహిస్తున్నారు. రామ్ చరణ్ గతంలో చేయని విభిన్నమైన పాత్రలో కనిపించనున్నారు.
ఈ సినిమా అభిమానుల్లో భారీ అంచనాలను పెంచింది. తాజా సమాచారం ప్రకారం, ఈ సినిమా షూటింగ్ నవంబర్ నెలాఖరులో కర్ణాటకలోని మైసూరు నగరంలో ప్రారంభం కానుంది. ఈ షెడ్యూల్ మొత్తం 15 రోజులు కొనసాగుతుంది, రామ్ చరణ్ ఇందులో భాగంగా పల్గొనబోతున్నారు. మొదటి షెడ్యూల్ పూర్తి అయిన తర్వాత, ఈ చిత్ర బృందం హైదరాబాద్‌కి వెళ్లి తదుపరి షెడ్యూల్‌ను అక్కడ మొదలు పెడతారు.
రామ్ చరణ్ ఈ సినిమాకి సంబంధించిన పాత్ర కోసం తన శరీరాన్ని దిట్టంగా మార్చుకుంటున్నారు. ఇటీవల జరిగిన పబ్లిక్ ఈవెంట్లలో ఆయన కండలతో కనిపించడం ఈ చిత్రంపై మరింత ఆసక్తిని పెంచింది. ఈ చిత్రంలో హీరోయిన్ గా జాన్వీ కపూర్ నటిస్తోంది. ఇది రామ్ చరణ్ మరియు జాన్వీ కపూర్ జోడీగా కనిపించనున్న తొలి సినిమా.
ఈ సినిమా ఒక స్పోర్ట్స్ డ్రామాగా ప్రేక్షకుల ముందుకు రానుంది అని టాలీవుడ్ వర్గాల్లో వార్తలు వినిపిస్తున్నాయి. ఈ చిత్రానికి ఆర్.ఆర్ రెహ్మాన్ సంగీతం అందిస్తుండటం మరో ప్రధాన ఆకర్షణ. RC16 ను వృద్ధి సినిమాస్ బ్యానర్‌పై వెంకట సతీశ్ కిలారు నిర్మిస్తున్నారు. ఈ చిత్రాన్ని సుకుమార్ రైటింగ్స్‌తో కలిసి మైత్రి మూవీ మేకర్స్ సమర్పిస్తున్నారు. కన్నడ సూపర్‌స్టార్ శివ రాజ్‌కుమార్ ఈ సినిమాలో కీలక పాత్ర పోషిస్తున్నట్లు సమాచారం
