కరోనా విపత్కర పరిస్థితుల్లో తన అభిమానులు చేసిన సామాజిక సేవాకార్యక్రమాల పట్ల టాలీవుడ్ హీరో రామ్ చరణ్ ముగ్ధుడయ్యారు. మీ అందరి అంకిత భావానికి ధన్యవాదాలు అంటూ ప్రత్యేకంగా ఓ ప్రకటన చేశారు. ఎన్నో వ్యయప్రయాసలకు ఓర్చి, ఎంతోమందికి సాయం చేశారని, అభిమానులందరికీ పేరుపేరునా శుభాభినందనలు అంటూ తన ప్రకటనలో పేర్కొన్నారు.
” ఫ్యాన్స్‌ ఈ కొవిడ్-19 టైమ్‌ లో ఎంతో కష్టపడి సమాజసేవ చేస్తుండడాన్ని నేను ఎప్పటికప్పుడు తెలుసుకుంటూ ఉన్నాను. అత్యవసర పరిస్థితిలో ఉన్న సామాన్యుడికి సాయపడడం నుంచి ఎన్నో సేవా కార్యక్రమాల్లో పాల్గొనడం వరకు మీరు ఎంతో అంకితభావంతో పనిచేశారు” అని కొనియాడారు. ఈ సందర్భంగా అభిమానుల సేవాకార్యక్రమాల ఫొటోలతో కూడిన ఓ వీడియోను కూడా రామ్ చరణ్ పంచుకున్నారు.
Thank You🙏 pic.twitter.com/lL9Ftuh2bM
— Ram Charan (@AlwaysRamCharan) June 5, 2021
