మెగాస్టార్ చిరంజీవి హీరోగా నటిస్తున్న తాజా చిత్రం ‘భోళా శంకర్‌’. డైరెక్టర్ మెహర్ రమేష్ దర్శకత్వంలో వస్తున్న ఈ సినిమాలో తమన్నా భాటియా హీరోయిన్ గా నటిస్తుండగా, కీర్తి సురేష్ చిరంజీవికి చెల్లిగా నటిస్తుంది. ఆగస్ట్ 11 న ఈ సినిమా వరల్డ్ వైడ్ గా విడుదల కానుంది.
ఇప్పటికే ఈ సినిమా నుండి విడుదలైన అప్డేట్స్‌ ఈ సినిమాపై ఆసక్తిని కలిగించాయి. ఇక విడుదల తేదీ దగ్గర పడటంతో మేకర్స్ ట్రైలర్ ను రిలీజ్ చేసేందుకు సన్నాహాలు చేస్తున్నారు. ఈ ట్రైలర్‌ను చిరంజీవి తనయుడు, గ్లోబల్ స్టార్ రామ్ చరణ్ విడుదల చేయనున్నారు.
రేపు సాయంత్రం 04:05 గంటలకు డిజిటల్ గా రిలీజ్ చేయనున్నారు. మహతి స్వర సాగర్ సంగీతం అందిస్తున్నారు. ఈ సినిమాలో యంగ్ హీరో సుశాంత్ కీలక పాత్రలో నటిస్తున్నారు.
