మెగా పవర్‌ స్టార్‌ రామ్ చరణ్ భార్య ఉపాసన ఇటీవలే పండంటి ఆడబిడ్డకు జన్మనిచ్చిన విషయం తెలిసిందే. జూన్‌ 20న రాంచరణ్-ఉపాసన దంపతుల గారాల పట్టి క్లీంకార కు మెగాఫ్యామిలీ ఘనంగా స్వాగతం పలికింది. ఈ రోజుతో మెగాప్రిన్స్‌ పుట్టి నెల రోజులవుతుంది. మరోవైపు గురువారం రోజే ఉపాసన పుట్టినరోజు కావడం మెగాఫ్యామిలీ చాలా ప్రత్యేకమైన సందర్భమనే చెప్పాలి.
ఈ రెండు ప్రత్యేక సందర్బాలను పురస్కరించుకొని క్లీంకార ఆగమనానికి సంబంధించిన వీడియోను హార్ట్‌ టచింగ్ వీడియోను రామ్ చరణ్ విడుదల చేశారు. క్లీంకార వన్‌ మంత్‌ బర్త్‌ యానివర్సరీ వీడియోను పాపులర్‌ ఫిల్మ్‌ మేకర్‌ జోసెఫ్ ప్రతనిక్‌ డైరెక్ట్‌ చేసి నిర్మించడం విశేషం. ఈ వీడియోలో చిరంజీవి-సురేఖ దంపతులతోపాటు ఉపాసన తల్లిదండ్రులు శోభ-అనిల్ కామినేని ఉన్నారు.
హ్యాపీమూడ్‌లో ఉన్న కుటుంబసభ్యుల ఆనందోత్సాహాలను వీడియోలో చూడొచ్చు.ఈ వీడియోలో ఉపాసన గర్భవతి అయినప్పటి నుండి.. పాపకు నామకారణం చేసే వరకు జర్నీ మొత్తం వీడియోలో చూపించారు. ఎన్నో ఎమోషన్స్‌తో ఈ సినిమా ప్రేక్షకులను ఎంతో ఆకట్టుకుంటుంది.
