యూనివర్సల్‌ హీరో కమల్ హాసన్‌, విలక్షణ నటులు విజయ్ సేతుపతి, ఫాహద్‌ ఫాజిల్‌ కలిసి నటించిన చిత్రం ‘విక్రమ్’. ఈ చిత్రానికి లోకేష్‌ కనగరాజు దర్శకత్వం వహించారు. కమల్ సొంత నిర్మాణ సంస్థ రాజ్ కమల్ ఇంటర్నేషనల్ ఫిలింస్ పతాకంపై భారీ బడ్జెట్‌తో తెరకెక్కిన ఈ మూవీ ప్రపంచవ్యాప్తంగా జూన్ 3న ప్రేక్షకుల ముందుకు రానుంది. తెలుగులో ఈ సినిమాను శ్రేష్ట్ మూవీస్ సంస్థ రిలీజ్ చేస్తోంది.
తాజాగా ఇప్పుడు తెలుగు ట్రైలర్ ని విడుదల చేసారు. రామ్ చరణ్ ఈ ట్రైనర్ ను లాంచ్ చేశారు.యాక్షన్ సీన్స్, అదిరిపోయే డైలాగులుతో రెడీ అయ్యిన ఈ ట్రైలర్ పై మీరూ ఓ లుక్కేయండి.ఈ ట్రైలర్‌లో కమల్, విజయ్, ఫాహద్‌ ఫాజిల్‌ ఎవరికీ వారి ప్రత్యేక నటనతో అదరగొట్టారు.. ప్రతి ఒక్క సీన్‌ అద్భుతంగా యాక్షన్‌తో నిండిపోయింది. యాక్షన్ థ్రిల్లర్ నేపథ్యంలో రూపొందిన ఈ చిత్రానికి అనిరుధ్‌ రవిచంద్రన్‌ అందించిన బ్యాక్‌గ్రౌండ్‌ మ్యూజిక్‌ హైలెట్‌గా నిలిచింది. ముగ్గురు విలక్షణ నటులతోపాటు సూర్య అతిథి పాత్రలో నటించడంతో ఇదివరకే ఈ మూవీపై భారీ అంచనాలు నెలకొన్నాయి. ఇప్పుడు ఈ ట్రైలర్ చూస్తుంటే ఆ అంచనాలు మరింత పెరిగేలా ఉన్నాయి.
