Ram Charan joins hands with Sukumar: గ్లోబ‌ల్‌స్టార్ రామ్చరణ్ కెరీయర్‌లో బెస్ట్‌ మూవీల్లో రంగస్థలం ఒకటి. ఈ సినిమాలో రామ్చరణ్ నటనకు మంచి ప్రశంసలు వచ్చాయి. తాజాగా ఈ సూపర్‌ హిట్ కాంబినేషన్ మరోసారి ప్రేక్ష‌కుల‌ను ప‌ల‌క‌రించ‌డానికి సిద్ధ‌మైంది. మెగా ఫ్యాన్స్‌, మూవీ ల‌వ‌ర్స్ ఎప్పుడెప్పుడు అని ఎదురుచూస్తున్న ఈ సినిమా అధికారిక ప్రకటన వచ్చేసింది.
రామ్ చ‌ర‌ణ్ హీరోగా, సుకుమార్ డైరెక్షన్‌లో మైత్రీ మూవీస్ మేక‌ర్స్ సంస్థ మరియు సుకుమార్ రైటింగ్స్ అత్యంత భారీ బడ్జెట్‌తో ఈ సినిమాను తెర‌కెక్కిస్తున్న‌ట్టు ప్ర‌క‌టించింది. గ్రౌండ్ బ్రేకింగ్ కొలాబ‌రేష‌న్‌కి రంగం సిద్ధ‌మైంది అంటూ త‌మ సినిమా గురించి అనౌన్స్‌మెంట్ ఇచ్చింది మైత్రీ మూవీ మేక‌ర్స్ మరియు సుకుమార్ రైటింగ్స్. రామ్చరణ్ కెరీర్‌లో గుర్తుండిపోయే సినిమాగా స్క్రిప్ట్ తీర్చిదిద్దారు సుకుమార్.
ఆర్‌ఆర్‌ఆర్ త‌ర్వాత రామ్చరణ్ గ్లోబ‌ల్ స్టార్‌ గా గుర్తింపు పొందారు. ఇటు పుష్ప సినిమాతో త‌గ్గేదేలే అంటూ అంద‌రివాడ‌నిపించుకున్నారు డైరెక్టర్ సుకుమార్. వీరిద్ద‌రి కాంబినేష‌న్‌లో తెర‌కెక్క‌నున్న ఈ సినిమా మీద మ‌న ద‌గ్గ‌రే కాదు, దేశ వ్యాప్తంగా, ప్ర‌పంచ‌వ్యాప్తంగా భారీ అంచనాలు ఉన్నాయి.
వాట‌న్నిటినీ అందుకునేలా చిత్రాన్ని తెర‌కెక్కించ‌నున్నారు సుకుమార్.
ఈ ఏడాదిలోనే షూటింగ్ ప్రారంభించనున్నారు. 2025 లాస్ట్ క్వార్ట‌ర్‌లో సినిమాను విడుద‌ల చేయ‌డానికి స‌న్నాహాలు చేస్తున్నారు. ఈ సినిమాకి దేవిశ్రీ ప్ర‌సాద్ సంగీతం అందించనున్నారు. రంగస్థలం బ్లాక్‌బ‌స్ట‌ర్ త‌ర్వాత ఈ కాంబినేషన్ మరోసారి చార్ట్ బస్టర్ సాంగ్స్ తో రెడీ అవుతోంది. దీంతో ఈ కాంబినేషన్ కోసం ప్రేక్షకులు ఎంతో ఆసక్తిగా ఉన్నారు. ఇది తప్పకుండా మరో బ్లాక్‌ బస్టర్ హిట్ అవుతుంది అంటున్నారు.
