తమిళ స్టార్‌ హీరో విజయ్ నటిస్తున్న తాజా చిత్రం లియో. లోకేష్ కనగరాజ్ డైరెక్షన్‌లో వస్తున్న ఈ సినిమాపై రోజు రోజుకు అంచనాలు పెరుగుతూనే ఉన్నాయి. పైగా ఇటీవలే రిలీజైన టీజర్‌ సినిమాపై మరింత బజ్‌ క్రియేట్‌ చేసింది. విక్రమ్‌ తర్వాత లోకేష్ నుండి వస్తున్న ఈ సినిమా గురించిన ఒక ఆసక్తికర వార్త సోషల్ మీడియాలో వైరల్‌ అవుతుంది.
ఈ సినిమాలో రామ్‌చరణ్‌ క్యామియో ఉండనున్నట్లు ఓ వార్త సోషల్ మీడియాలో చక్కర్లు కొడుతుంది. ఇటీవల రిలీజైన టీజర్‌ చివరి షాట్‌లో తెలంగాణ రిజిస్ట్రేషన్‌ కలిగిన ఓ ఖరీదైన కారును చూపించారు. దాంతో అదే కారులో చరణ్ ఎంట్రీ ఉంటుందన్న వార్త వినిపిస్తున్నాయి. అయితే ఇందులో ఎలాంటి వాస్తవం లేదని తెలుస్తుంది. అయితే తెలుగు నుంచి ఈ సినిమాలో ఓ పాత్ర కోసం ఫేమ్ ఉన్న నటుడిని లోకేష్ కనగరాజ్ పరిశీలిస్తున్నట్లుగా తెలుస్తుంది.
అయితే అతను ఎవరనేది మాత్రం ప్రస్తుతానికి ఎలాంటి క్లారిటీ లేదు. అయితే లోకేష్ కనగరాజ్ దర్శకత్వంలో రామ్ చరణ్ ఒక సినిమా చేసే ఛాన్స్ ఉందని మాత్రం తెలుస్తుంది. మరి ఆ ప్రాజెక్ట్ ఎప్పుడు ఉంటుంది అనేది చూడాలి.
