Ram Charan: ఈరోజు అయోధ్య రామమందిరం ప్రారంభోత్సవ కార్యక్రమానికి దేశవ్యాప్తంగా అన్ని రంగాలలోని ప్రముఖులు హాజరైన సంగతి తెలిసిందే. మన టాలీవుడ్ నుంచి మెగాస్టార్ చిరంజీవి దంపతులు, రామ్ చరణ్ అయోధ్యకు వెళ్లారు.
మందిరం బయట సెలబ్రిటీల కోసం ఏర్పాటు చేసిన ప్లేస్ లో చిరంజీవి, చరణ్ కూర్చున్నారు. దేశం నలుమూలల నుంచి ప్రముఖులు అక్కడికి రావడంతో చిరంజీవి, చరణ్ తమకు తెలిసిన వారిని పలకరిస్తున్నారు. ఈ నేపథ్యంలో ప్రముఖ వ్యాపారవేత్త అనిల్ అంబానీ చిరంజీవి దగ్గరికి రావడంతో చిరంజీవి, చరణ్.. అనిల్ అంబానీతో కాసేపు ముచ్చటించారు.
పలువురు ప్రముఖులు చరణ్ ని పలకరిస్తున్నారు. చరణ్, చిరంజీవితో ఫొటోలు దిగుతున్నారు. ఈ నేపథ్యంలో లైవ్ అందించే కెమెరామెన్ చరణ్, చిరంజీవిల మీదే ఎక్కువ సేపు ఫోకస్ ఉంచడంతో అక్కడ ఎవరు ఉన్నారని కెమెరామెన్ పక్కన అతను అడగడంతో అక్కడ రామ్ చరణ్ ఉన్నారు, ఆయన తండ్రి కూడా వచ్చారు.
అందుకే ఫ్రేమ్ లో చూపిస్తున్నాను అని హిందీలో చెప్పారు. ఈ వాయిస్ వీడియోలో రికార్డ్ అవ్వడంతో దీంతో ఈ వీడియో వైరల్ గా మారింది. RRR సినిమాతో రామ్ చరణ్ గ్లోబల్‌ స్టార్‌గా గుర్తింపు తెచ్చుకున్నాడు. నార్త్ లో కూడా బాగా క్రేజ్ తెచ్చుకున్నాడు. అక్కడ కూడా చరణ్ కి ఫ్యాన్స్‌ ఉన్నారు.
ఇప్పుడు ఈ వీడియోలో చిరంజీవి కంటే కూడా చరణ్ ని గుర్తించి చరణ్ తండ్రి అని చెప్పడంతో మెగా అభిమానులు సంతోషం వ్యక్తం చేస్తూ ఈ వీడియోలు షేర్ చేస్తున్నారు. ఇది కదా చరణ్ క్రేజ్ అని, అయోధ్యలో కూడా చరణ్ క్రేజ్ మాములుగా లేదని మెగా అభిమానులు కామెంట్స్ చేస్తున్నారు.
• @ANI Cameraman : “Ye Abhi RamCharan ki Pita hei isliye inko Frame Mei Rakha hua hei, #RamCharan ke Father Hei” 🥹🥹@AlwaysRamCharan 🫡 pic.twitter.com/sdt16LuFBu
— Raees (@RaeesHere_) January 22, 2024
