నేడు హీరోయిన్ రకుల్ ప్రీత్ సింగ్ పుట్టినరోజు. ఈ సందర్భంగా పలువురు సినీ ప్రముఖులు సోషల్ మీడియా ద్వారా ఆమెకు శుభాకాంక్షలు తెలియజేస్తున్నారు. ఈ నేపధ్యంలో నితిన్ హీరోగా నటిస్తున్న ‘చెక్‌’ యూనిట్ కూడా ఆమెకు స్వీట్ గిఫ్ట్ ఇచ్చింది. ఈ సినిమాలో రకుల్ ప్రీత్ సింగ్, ప్రియా ప్రకాష్ వారియర్ హీరోయిన్లుగా నటిస్తుండగా.. రకుల్ ఫస్ట్‌లుక్‌ను విడుదల చేసింది. ఈ పోస్టర్‌లో చాలా సీరియస్‌గా కనిపిస్తున్న రకుల్.. చేతిలో ఓ ఫైల్ పట్టుకుని ఉంది. `భవ్య క్రియేషన్స్` బ్యానర్‌పై వస్తున్న ఈ సినిమాకి చంద్రశేఖర్ యేలేటి దర్శకత్వం వహిస్తున్నారు. థ్రిల్లింగ్ నేపథ్యంతో ఈ సినిమా తెరకెక్కబోతున్నట్టు సమాచారం.
నితిన్ ‘చెక్‌’ నుండి రకుల్ లుక్‌
