రకుల్ ప్రీత్ ప్రస్తుతం కమల్ హాసన్ ‘ఇండియన్2’ లో మాత్రం నటిస్తోంది. ఆమె పెళ్లి గురించి సోషల్ మీడియాలో ఓ వార్త హల్ చల్ చేస్తోంది. రకుల్ బాలీవుడ్ నిర్మాత జాకీ భగ్నానీతో ప్రేమలో ఉంది. ఈ విషయాన్ని ఈ ఇద్దరూ ఇప్పటికే ప్రకటించారు.
ఈ నేపథ్యంలో వచ్చే ఏడాది వీరిద్దరూ పెళ్లి చేసుకోబోతున్నారని రకుల్ తమ్ముడు అమన్ ప్రీత్ సింగ్ ఓ ఆంగ్ల పత్రికకు ఇచ్చిన ఇంటర్వ్యూలో చెప్పాడు. పెళ్లిపై ఈ ఇద్దరికీ సదభిప్రాయం ఉందన్నాడు. నెల, తేదీని ఇంకా ఫిక్స్‌ చేయలేదని చెప్పాడు. ఈ క్రమంలో వచ్చే ఏడాది మీరు పెళ్లి చేసుకోబోతున్నారా? నిజమేనా? అని సోషల్ మీడియాలో రకుల్ ను ఫ్యాన్స్ ప్రశ్నిస్తున్నారు. దీనిపై రకుల్ స్పందించింది. తన తమ్ముడు ఓ ఆంగ్ల పత్రికకు ఇచ్చిన వార్తను షేర్ చేసిన ఆమె.. ‘నా పెళ్లి ఖరారు చేశావా అమన్? మరి, నాకెందుకు చెప్పలేదు తమ్ముడూ. ఏంటో.. నా జీవితం గురించిన వార్త నాకే తెలియకపోవడం ఫన్నీగా ఉంది’ అని రకుల్ ట్వీట్ చేసింది.
