సీనియర్ నటుడు అక్కినేని నాగార్జున నటించిన ‘మన్మథుడు2’ చిత్రం ఆగష్టు 9 వ తేదీన విడుదలకు సిద్ధం అవుతున్నది. రొమాంటిక్ కామెడీ జానర్లో తెరకెక్కుతున్న ఈ సినిమాకు పాజిటివ్ బజ్ క్రియేట్ అయ్యింది. ట్రైలర్ ఆకట్టుకోవడంతో అంచనాలు పెరిగాయి. ఈ సినిమాలో రకుల్ ప్రీత్ హీరోయిన్.
సీనియర్ హీరోలతో కలిసి పనిచేయడానికి కుర్ర హీరోయిన్లు పెద్దగా లైక్ చేయరు. కారణం ఏంటి అంటే… సీనియర్ హీరోలతో కలిసి పనిచేస్తే కెరీర్ ముగిసిపోయినట్టే అనే టాక్ వస్తుందని, సీనియర్ హీరోలతో మాత్రమే సినిమాలు చేసే అవకాశాలు వస్తాయని అనుకుంటారని కొంత టాక్ ఉంది. కానీ, రకుల్ మాత్రం అవేమి పట్టించుకోకుండా నాగార్జునతో మన్మధుడు 2 లో నటించేందుకు ఒకే చెప్పింది. దీనికోసం ఆమె ఏకంగా కోటి రూపాయలకు పైగా రెమ్యునరేషన్ అందుకున్నట్టు సమాచారం. ఈ స్థాయిలో రకుల్ రెమ్యునరేషన్ అందుకున్న సినిమాలు చాలా తక్కువ. స్పైడర్ తరువాత ఆమెకు తెలుగులో అవకాశాలు రాలేదు. ఈ మూవీ తరువాత తిరిగి కెరీర్ గాడిలో పడుతుందని అంటోంది రకుల్.
