కార్తికేయ హీరోగా నటించిన తాజా చిత్రం ‘రాజా విక్రమార్క’. శ్రీ సారిపల్లి తెరకెక్కిస్తోన్న ఈ సినిమాలో ఎన్‌ఐఏ ఏజెంట్‌ విక్రమ్‌గా కార్తికేయ కనిపించనున్నారు. తాన్యా రామచంద్రన్‌ హీరోయిన్‌గా నటిస్తుంది. ఈ సినిమా నవంబరు 12న ప్రేక్షకుల ముందుకు రానుంది. ఈ సందర్భంగా నటుడు నాని ట్రైలర్‌ని విడుదల చేశారు. కామెడీ, ట్విస్ట్‌లతో ఈ ట్రైలర్‌ ఆద్యంతం ఆసక్తిగా సాగింది. కార్తికేయ నటన, లుక్స్‌ ఆకట్టుకునేలా ఉన్నాయి. కార్తికేయని ఉద్దేశించి ‘వీడిది బలుపు కాదు దూల’ అని తనికెళ్ల భరణి ,‘దీపావళి.. గ్రాండ్‌గా ప్లాన్‌ చేశావ్‌’ అంటూ కార్తికేయ అలరించారు. రమణ రెడ్డి నిర్మిస్తోన్న ఈ చిత్రానికి ప్రశాంత్‌ విహారి సంగీతం అందిస్తున్నారు.
