Raja Saab Shooting:
వరుసగా సినిమాలు చేస్తున్న ప్రభాస్ వరుసగా బ్లాక్ బస్టర్లు కూడా అందుకుంటున్నారు. సలార్, కల్కి సినిమాలతో రికార్డులు సృష్టించిన ప్రభాస్ ఇప్పుడు చేతినిండా సినిమాలతో బిజీగా ఉన్నారు. నిన్న మొన్నటిదాకా ప్రభాస్ చేతిలో ఉన్న సినిమాలు అన్నిటితో పోలిస్తే.. రాజా సాబ్ మీద అంచనాలు తక్కువగా ఉండేవి. కానీ ఈ మధ్య విడుదల అయినా ఫ్యాన్ గ్లింప్స్ తర్వాత మాత్రం లెక్కలు పూర్తిగా మారిపోయాయి.
వింటేజ్ రొమాంటిక్ లుక్ తో ప్రభాస్ ఫ్యాన్స్ మనసులను కొల్లగొడుతున్నారు. ఈ సినిమా వచ్చే ఏడాది ఈ వేసవికాలంలో ఏప్రిల్ 10వ తేదీన విడుదల కు సిద్ధమవుతోంది. అయితే ఇప్పటిదాకా ప్రభాస్ హీరోగా నటించిన చాలా సినిమాలు ఏప్రిల్ లో విడుదల అయ్యాయి. పౌర్ణమి, మున్నా, బిల్లా, మిస్టర్ పర్ఫెక్ట్, డార్లింగ్, బాహుబలి 2 సినిమాలు అన్నీ ఏప్రిల్ లో విడుదలైన సినిమాలు.
వీటన్నిటిలో పౌర్ణమి సినిమా తప్ప మిగతా అన్ని సినిమాలు.. కమర్షియల్ గా హిట్ అయ్యాయి. కాబట్టి రాజా సాబ్ సినిమా కూడా.. కచ్చితంగా హిట్ అవుతుందని ఫ్యాన్స్ కామెంట్స్ చేస్తున్నారు. మరోవైపు రామ్ చరణ్ బుచ్చిబాబు సన దర్శకత్వంలో చేస్తున్న ఒక సినిమా కూడా.. త్వరలో ప్రేక్షకుల ముందుకు రాబోతోంది. ఈ సినిమాకి పెద్ది అనే టైటిల్ ను అనుకుంటున్నట్లు సమాచారం.
మరోవైపు ఈ సినిమాకి కూడా ఒక సెంటిమెంట్ ఉందేమో అని ఫ్యాన్స్ అంటున్నారు. విలేజ్ బ్యాక్ డ్రాప్ లో వచ్చిన రంగస్థలం సినిమా అప్పట్లో ఇండస్ట్రీ హిట్ గా మారింది. ఈ సినిమాలో రామ్ చరణ్ గుబురు గడ్డంతో.. రస్టిక్ లుక్ లో కనిపించారు. ఇక బుచ్చి బాబు సన దర్శకత్వంలో చేస్తున్న సినిమా కూడా.. విలేజ్ బ్యాక్ డ్రాప్ లో నడిచే కథ అని తెలుస్తోంది. స్పోర్ట్స్ డ్రామాగా పేక్షకుల ముందుకు రాబోతున్న ఈ సినిమాలో కూడా.. రామ్ చరణ్ గుబురు గడ్డంతో రస్టిక్ లుక్ లో కనిపించనున్నారట.
దీంతో రంగస్థలం వైబ్స్ ఈ సినిమాలో కూడా వస్తూ ఉండడంతో.. ఆ సెంటిమెంట్ ఈ సినిమాకి కూడా బాగా వర్క్ అవుట్ అవుతుంది అని.. ఈ సినిమా కూడా బ్లాక్ బస్టర్ అవుతుంది అని ఫాన్స్ కామెంట్స్ చేస్తున్నారు.
