నివాస్ శిష్టు, సారా ఆచార్ జంటగా నటిస్తున్న చిత్రం ‘రహస్య’. శివ శ్రీ మీగడ డైరెక్షన్‌లో వస్తున్న ఈ సినిమాని గౌతమి.ఎస్‌ నిర్మాతగా వ్యవహరిస్తున్నారు. తాజాగా ఈ చిత్రం టీజర్‌ని విడుదల చేశారు మేకర్స్‌. 52 సెకన్ల నిడివితో కట్‌ చేశారు. ఈ టీజర్‌.. సినిమా పట్ల ఆసక్తి రేకెత్తిస్తోంది. క్రైం మిస్టరీ నేపథ్యంలో మిస్టరీ కథాంశంగా ఈ సినిమాను విడుదల చేయబోతున్నట్లు ఈ వీడియో స్పష్టం చేస్తోంది. అంతుచిక్కని ఓ క్రైం ఇన్సిడెంట్‌ని పోలీసు వర్గాలు ఎలా ఛేదించాయి? ఈ క్రమంలో చోటుచేసుకున్న పరిణామాలు ఎలాంటివి? అనే పాయింట్ తో రియలిస్టిక్‌గా ఈ రహస్య సినిమాను ప్రేక్షకుల ముందుకు తీసుకురాబోతున్నారని అర్థమవుతోంది. థ్రిల్లర్ నేపథ్యంలో రూపొందుతున్న ఈ సినిమాలో డిఫరెంట్ కోణాలను టచ్ చేస్తూ సస్పెన్స్ మిస్టరీకి తెర రూపమిచ్చారని తెలుస్తోంది.
