టాలీవుడ్ నటుడు సిద్దు జొన్నలగడ్డ హీరోగా నటిస్తున్న బ్లాక్ బ‌స్ట‌ర్ సీక్వెల్‌ ప్రాజెక్ట్‌ టిల్లు- 2 . డోనరుడా ఫేం మల్లిక్‌రామ్ డైరెక్షన్‌లో వస్తున్న ఈ సినిమాలో అనుపమ పరమేశ్వరన్‌ ఫీ మేల్ లీడ్ రోల్‌లో నటిస్తోంది. ఈ మూవీని సితార ఎంటర్ టైన్‌మెంట్స్ బ్యానర్‌పై నాగవంశీ తెరకెక్కిస్తున్నారు.
ఇప్పటికే ఈ సినిమా నుంచి విడుదల చేసిన ఫన్‌ ట్రాక్‌ వీడియోతోపాటు ఫ‌స్ట్ సింగిల్ టికెటే కొనకుండా పాటకు మంచి స్పందన వస్తోంది. ఇదిలా ఉంటే.. ఈ మూవీ నుంచి మేక‌ర్స్ సెకండ్ సింగిల్ ప్రోమో విడుదల చేశారు. ఈ మూవీలో హీరోయిన్ కంటే రాధిక అనే పేరే ఎక్కువ పాపుల‌ర్ అయ్యింది. అయితే టిల్లు 2 లో రాధిక ఉండ‌బోతున్న‌ట్లు తెలుస్తుంది.
ఎందుకంటే రాధికా పేరు మీదనే సెకండ్ సాంగ్ ప్రోమో విడుదల చేశారు మేక‌ర్స్. ఇక ఈ ప్రోమో చూస్తే.. రింగులా జుట్టు చూసి పడిపోయానే బొంగులా మాట‌లిని పడిపోయానే.. రంగుల కొంగు తాకి పడిపోయానే.. నీ గాలి సోకి నేను స‌చ్చిపోయానే రాధిక అంటూ ఫుల్ పార్టీ మోడ్‌లా సాగింది ఈ పాట.
కాసర్ల శ్యామ్ లిరిక్స్ అందించిన ఈ పాటకు రామ్ మిరియాల పాడ‌ట‌మే కాకుండా సంగీతం అందించాడు. రాధిక ఫుల్ సాంగ్‌ను న‌వంబ‌ర్ 27 తెదీన సాయంత్రం 4.05 గంట‌ల‌కు రిలీజ్ చేయ‌నున్న‌ట్లు తెలిపారు. ఈ మూవీ ఫిబ్రవరి 9, 2024 గ్రాండ్‌గా విడుదల కానుంది.
