ప్రభాస్ మూవీ రాధేశ్యామ్ గురించి తాజా అప్‌డేట్ అంటూ వార్తలు వస్తున్నాయి. ఈ చిత్రంలో ప్రభాస్ లవర్‌బాయ్‌గా కనిపించనున్నాడు. జులై 30న విడుదల చేయాలనుకున్నా కరోనా కారణంగా సినిమా ఎప్పుడు విడుదలవుతుందో చెప్పలేని పరిస్థితి. ఇప్పటికే షూటింగ్ పార్ట్ దాదాపు పూర్తయినప్పటికీ విడుదల వాయిదా పడుతోంది. యువీ క్రియేషన్స్ నిర్మిస్తున్న రాధేశ్యామ్‌లో ప్రభాస్ సరసన పూజాహెగ్డే నటిస్తోంది. కరోనా సెకండ్‌ వేవ్ తీవ్రత సినిమా రంగాన్ని మరింత కుదేలు చేసింది. ప్రస్తుతం థియేటర్లు మూత పడిన సంగతి తెలిసిందే. ఒకవేళ తెరుచుకున్నా జనాలు థియేటర్లకు వస్తారా అనేది అనుమానమే. అందుకే సినిమా మరోసారి వాయిదా పడే అవకాశముందంటున్నారు. పరిస్థితులు చక్కబడిన తర్వాత దసరాకు విడుదల చేయాలనుకుంటున్నట్టు సమాచారం.
