Raayan OTT:
కోలీవుడ్ లో తాజాగా విడుదలైన Raayan సినిమా ధనుష్ హీరోగా 50వ చిత్రంగా ప్రేక్షకుల ముందుకు వచ్చింది. ధనుష్ స్వీయ దర్శకత్వంలో రూపొందిన రెండవ సినిమా ఇది. ఈ సినిమాలో ఎస్జే సూర్య, సుందీప్ కిషన్, కళిదాసు జైరామ్, దుశారా విజయన్ వంటి ప్రముఖ నటులు కీలక పాత్రలలో నటించారు. ఇటీవల ఈ చిత్రం ఓటిటి ప్లాట్‌ఫారంలో స్ట్రీమ్ కి సిద్ధం అవుతున్నట్టు ప్రకటన వచ్చింది.
తాజా సమాచారం ప్రకారం, రాయన్ సినిమా 2024 ఆగస్టు 23న అమెజాన్ ప్రైమ్ వీడియో లో విడుదల కానుంది. ఈ సినిమా తమిళం, తెలుగు, మలయాళం, కన్నడ, హిందీ భాషల్లో స్ట్రీమింగ్‌కు అందుబాటులోకి రానుంది. 2024లో అత్యధిక వసూళ్లు సాధించిన తమిళ చిత్రంగా పేరు తెచ్చుకున్న ఈ సినిమా సుమారు రూ. 150 కోట్ల రూపాయల వసూళ్లతో బాక్సాఫీస్‌ను షేక్ చేసింది.
తెలుగు రాష్ట్రాల్లో ఈ చిత్రానికి అంతగా గుర్తింపు రాలేదు కానీ ఓటిటి ప్రేక్షకుల నుండి మాత్రం మంచి స్పందన వచ్చే అవకాశం ఎక్కువగా ఉంది. సన్ పిక్చర్స్ నిర్మించిన ఈ చిత్రానికి ఏఆర్ రహమాన్ సంగీతం అందించారు. యాక్షన్ డ్రామాగా విడుదల అయిన ఈ చిత్రంలో సెల్వరాఘవన్, ప్రకాశ్ రాజ్, అపర్ణ బాలమురళి, వరలక్ష్మి శరత్‌కుమార్ వంటి ప్రముఖ నటులు కూడా నటించారు.
సినిమా కథ విషయానికి వస్తే..రాయన్ (ధనుష్) తన కుటుంబాన్ని పోషించడానికి ఒక ఫుడ్ జాయింట్ నడుపుతాడు. అతని కుటుంబంలో ఇద్దరు తమ్ముళ్లు (సుందీప్ కిషన్, కళిదాసు జైరామ్) ఒక చెల్లి దుర్గ (దుశారా విజయన్) ఉంటారు. ఆ ప్రాంతాన్ని ఇద్దరు మాఫియా డాన్లు సేతు (ఎస్జే సూర్య), దురై (సరవణన్) పాలిస్తూ ఉంటారు. ఒక పోలీస్ ఆఫీసర్ (ప్రకాశ్ రాజ్) పగ తీర్చుకోవాలని, సేతు, దురై మధ్య గొడవ సృష్టించాలని ప్రయత్నిస్తాడు. ఈ క్రమంలో రాయన్ తమ్ముడు ముత్తు (సుందీప్ కిషన్) దురై కొడుకును గొడవలో చంపేస్తాడు. ఈ పరిస్థితుల్లో రాయన్ నిశ్శబ్దంగా ఉంటాడా? లేక పోలీస్ ఆఫీసర్ పన్నాగానికి బలి అవుతాడా? తెలియాలంటే సినిమా చూడాల్సిందే.
