రామ్‌చరణ్‌, ఎన్టీఆర్‌ హీరోలుగా నటిస్తున్న చిత్రం ‘ఆర్‌ఆర్‌ఆర్’. ఎస్‌.ఎస్‌.రాజమౌళి డైరెక్షన్‌లో తెరకెక్కుతున్న ఈ సినిమా నుండి నూతన సంవత్సర కానుకను విడుదలైంది. ‘రైజ్‌ ఆఫ్‌ రామ్‌’ పేరిట ఓ పాటను విడుదల చేసింది. ‘రామం రాఘవమ్‌ రణధీరం రాజసం…’ అంటూ అల్లూరి సీతారామరాజు పోరాటాన్ని ఆవిష్కరిస్తూ సాగిన ఈ పాటలో అల్లూరి పాత్రలో రామ్‌ చరణ్‌ అద్భుతంగా కనిపించారు. ఈ పాటకు కె.శివశక్తి దత్త లిరిక్స్‌ అందించగా.. ఎంఎం కీరవాణి స్వరాలు సమకూర్చారు. విజయ్‌ ప్రకాశ్‌, చందనా బాల కల్యాణ్‌, చారు హరిహరన్‌ బృందంగా ఈ పాటను ఆలపించారు. ఈ చిత్రం సంక్రాంతి కానుకగా జనవరి 7న ప్రేక్షకుల ముందుకు రానుంది.
