టాలీవుడ్‌లో వచ్చిన పాన్ ఇండియా చిత్రం పుష్ప. ఈ సినిమా మొత్తం దేశవ్యాప్తంగా మంచి క్రేజ్‌ని సంపాధించుకుంది. తాజాగా ఈ సినిమా సీక్వెల్స్‌ పుష్ప.. ది రూల్ తెరకెక్కుతున్న సంగతి తెలిసిందే. ఈ సినిమాలో అల్లు అర్జున్‌ హీరోగా నటిస్తున్నాడు. ఈ సీక్వెల్స్‌కి కూడా సుకుమార్ దర్శకత్వం వహిస్తున్నాడు. తాజాగా ఈ సినిమా నుండి బిగ్గెస్ట్‌ అనౌన్స్‌మెంట్‌ వచ్చింది.
పుష్ప ది రూల్ రిలీజ్‌ డేట్‌ని ప్రకటించింది చిత్రబృందం. పుష్ప -2 2024 ఆగస్టు 15న ప్రపంచవ్యాప్తంగా థియేటర్లలో విడుదల కానుంది. బాక్సాఫీసు ఏలడానికి పుష్పరాజ్ మరోసారి వస్తున్నాడంటూ మైత్రీ మూవీ మేకర్స్ తన పోస్టులో పేర్కొంది. రక్తం అంటిన పుష్పరాజ్ చేతిని కూడా పోస్టు చేసింది.
మైత్రీ మూవీ మేకర్స్ బ్యానర్‌ తెరకెక్కిస్తున్న ఈ సినిమాలో కన్నడ భామ రష్మిక మందన్నా హీరోయిన్‌గా నటిస్తోంది. ఫహద్‌ ఫాసిల్ జగదీష్‌ ప్రతాప్ బండారి, జగపతిబాబు, ప్రకాశ్‌ రాజ్‌, సునీల్‌, అనసూయ భరద్వాజ్‌, రావు రమేశ్‌, ధనంజయ, షణ్ముఖ్‌, అజయ్‌, శ్రీతేజ్‌ ఇతర కీలక పాత్రల్లో నటిస్తున్నారు.
