Bharateeyudu 2 Vs Pushpa 2:త్వరలో వరుసగా పాన్‌ ఇండియా మూవీలు విడుదల కానున్నాయి. ఈ సినిమాల కోసం ప్రేక్షకులు ఎంతో ఆసక్తికంగా ఎదురు చూస్తున్నారు. వాటిలో పుష్ప-2, భారతీయుడు-2, గేమ్‌ఛేంజర్‌, దేవర, కల్కి వంటి సినిమాలు ఉన్నాయి. ఈ సినిమాలకు సంబంధించిన చిన్న అప్డేట్స్‌ని కూడా వైరల్‌ చేస్తున్నారు. ఈ క్రమంలో తాజాగా రెండు కొత్త పాటలు విడుదలైయ్యాయి. ఈ పాటలు అటు మాస్‌ ఇటు క్లాస్‌ని కూడా ఊపేస్తున్నాయి.
సుకుమార్ డైరెక్టర్ వస్తున్న తాజా చిత్రం పుష్ప 2. సెన్సేషనల్ హిట్ పుష్ప చిత్రానికి సీక్వెల్ మూవీ. ఐకాన్ స్టార్ అల్లు అర్జున్-నేషనల్ క్రష్ రష్మిక మందన జంటగా నటించిన ఈ సినిమాపై భారీ అంచనాలు ఉన్నాయి. ఫహాద్ ఫాజిల్ విలన్‌గా నటిస్తున్న ఈ సినిమా నుంచి ఇటీవల రిలీజైన ఫస్ట్ సాంగ్ సూపర్ రెస్పాన్స్ వచ్చింది. ముఖ్యంగా పాటలో హుక్ స్టెప్‌ను ఇమిటేట్ చేస్తూ సోషల్ మీడియాలో రీల్స్ చేస్తున్నారు ఫ్యాన్స్. ఇక ఇప్పుడు తాజాగా కపుల్ సాంగ్‌ను విడుదలైంది.
పుష్ప-శ్రీవల్లి మీద చిత్రీకరించిన ఈ పాటలో బన్నీ-రష్మిక అదరగొట్టేశారు. “సూసేకి అగ్గిరవ్వ మాదిరి ఉంటాడే నా సామీ” అంటూ శ్రేయా ఘోషల్ అద్భుతంగా ఆలపించింది. మొత్తం ఐదు భాషల్లోనూ ఈ పాటను శ్రేయా ఘోషల్‌యే ఆలపించడం విశేషం. ఇక దేవిశ్రీ ప్రసాద్ అయితే మరోసారి తన మ్యూజిక్‌తో మ్యాజిక్ చేశారు. ఈ మెలొడీ సాంగ్‌కి బన్నీ-రష్మిక తమ స్టెప్పులతో అటు క్లాస్‌- మాస్‌ ఆడియన్స్‌ను కూడా ఫిదా చేసేశారు.
మొత్తానికి పాట అయితే సింపుల్‌గా సంపేసింది. చంద్రబోస్ రాసిన లిరిక్స్ చాలా అర్థవంతంగా, సింపుల్‌గా ఉన్నాయి. ఇక వీడియోలో సుకుమార్ కూడా స్టెప్పులతో అదరగొట్టారు. ఇప్పటికే సోషల్ మీడియాలో పుష్ప 2 సెకండ్ సింగిల్ హ్యాష్ ట్యాగ్ ట్రెండింగ్‌లో ఉంది. పాట అదిరిపోయిందంటూ ఫ్యాన్స్ పోస్టులు పెడుతున్నారు.
విశ్వనటుడు కమల్ హాసన్ ,స్టార్ డైరెక్టర్ శంకర్ దర్శకత్వంలో వస్తున్న తాజా చిత్రం ‘భారతీయుడు2’. బ్లాక్ బస్టర్ మూవీ భారతీయుడు సినిమాకు ఈ సినిమా సీక్వెల్ గా తెరకెక్కింది. ఈ సినిమాను లైకా ప్రొడక్షన్స్ మరియు రెడ్ జెయింట్ మూవీస్ బ్యానర్ పై ఉదయనిధి స్టాలిన్ మరియు సుభాస్కరన్ భారీ బడ్జెట్ తో నిర్మిస్తున్నారు. ఈ సినిమాలో కాజల్ ,సిద్దార్థ్ ,రకుల్ ప్రీత్ సింగ్ ,ప్రియా భవాని శంకర్ ప్రధాన పాత్రలలో నటిస్తుండగా బాబీ సింహ,ఎస్.జె సూర్య వంటి తదితరులు ముఖ్య పాత్రలు పోషిస్తున్నారు.
ఈ సినిమాకు యంగ్ మ్యూజిక్ సెన్సేషన్ అనిరుద్ మ్యూజిక్ అందిస్తున్నాడు. ఈ సినిమా షూటింగ్ పూర్తి కావడంతో ప్రస్తుతం పోస్ట్ ప్రొడక్షన్ వర్క్ తో చిత్ర యూనిట్ బిజీ గా వుంది. మేకర్స్ ఈ సినిమాను జులై 12 న గ్రాండ్ గా రిలీజ్ చేయనున్నారు. ఇప్పటికే ఈ సినిమా నుండి గ్లింప్సె వీడియో ,పోస్టర్స్ రిలీజ్ చేయగా సినిమాపై భారీగా అంచనాలు భారిగా పెరిగాయి.
తాజాగా ఈ సినిమా నుంచి సెకండ్ సింగల్ విడుదలైంది. సిద్దార్థ్ ,రకుల్ ప్రీత్ సింగ్ మధ్య ‘చెంగలువ’ అంటూ సాగే లవ్ సాంగ్ తాజాగా రిలీజ్ అయింది. రామజోగయ్య శాస్త్రి రచించిన ఈ మెలోడీ సాంగ్ ప్రేక్షకులను ఎంతగానో ఆకట్టుకుంది. ఈసినిమా ఆడియో రిలీజ్ జూన్ 1 న గ్రాండ్‌గా జరగనుంది. ఈ ఈవెంట్ ను భారీ స్థాయిలో నిర్వహించేందుకు మేకర్స్ ఏర్పాట్లు చేస్తున్నారు.
