నేచురల్‌ స్టార్‌ నాని న‌టించిన లేటెస్ట్ చిత్రం ‘అంటే సుంద‌రానికీ’. వివేక్ ఆత్రేయా డైరెక్షన్‌లో వచ్చిన ఈ సినిమా జూన్ 10న విడుదల కానుంది. ఈ క్ర‌మంలో చిత్ర‌బృందం ప్ర‌మోష‌న్ల‌ను జోరుగా జ‌రుపుతుంది. తాజాగా ప్రేక్ష‌కులు ఎంత‌గానో ఎదురు చూస్తున్న అంటే సుంద‌రానికీ ప్రోమో సాంగ్‌ను మేక‌ర్స్‌ విడుదల చేశారు. రామ‌జోగ‌య్య శాస్త్రీ సాహిత్యం అందించిన ఈ పాటను దిగ్గ‌జ సింగ‌ర్ శంక‌ర్ మ‌హ‌దేవ‌న్‌, శ్వేత మోహ‌న్‌లు ఆల‌పించారు. వివేక్ సాగ‌ర్ స్వ‌ర ప‌రిచిన ఈ పాట మంచి జోష్ ఇస్తుంది. అటు హిందు సాంప్ర‌దాయాల‌తో ఇటు క్రిస్టియ‌న్ సాంప్ర‌దాయ‌ల‌తో పెళ్ళిని ఈ పాట‌లో చ‌క్క‌గా చూపించారు. నికేత్ బొమ్మి సినిమ‌టోగ్రాఫి బాగుంది.
మైత్రి సంస్థ నిర్మించిన ఈ సినిమాలో న‌జ్రియా హీరోయిన్‌గా న‌టించింది. న‌జ్రియా తెలుగులో న‌టించిన మొద‌టి చిత్రం ఇదే కావ‌డం విశేషం. ఈ చిత్రంలో నాని బ్ర‌హ్మ‌ణుడి పాత్ర‌లో న‌టించ‌గా, న‌జ్రియా క్రిస్టియ‌న్ అమ్మాయిగా న‌టించింది. కామెడీ ఎంట‌ర్టైన‌ర్‌గా తెర‌కెక్కిన ఈ చిత్రం తెలుగుతో పాటు త‌మిళ్‌, మ‌ల‌యాళ భాష‌ల్లో ఏక‌కాలంలో విడుదల కానుంది.
