పాన్ ఇండియా స్టార్ ప్రభాస్-నాగ్ అశ్విన్ సినిమా ‘ప్రాజెక్టు-కే’ కు సంబంధించి రోజుకో ఓ ఆసక్తికర వార్త నెట్టింట సందడి చేస్తోంది. ‘ప్రాజెక్టు-కె’లో కమల్ విలన్‌గా చేస్తున్న సంగతి తెలిసిందే. ప్రస్తుతం దీనిపైనే సినీ జనాల్లో చర్చ జరుగుతోంది. ఈ సినిమాలో విలన్ గా చేయడానికి కమల్ పారితోషికం ఎంత తీసుకుంటున్నారు.. ఆయన పాత్రను ఎలా డిజైన్ చేశారో.. విలన్‌గా ఆయన ఎంట్రీ ఎలా ఉంటుందో అనేది ఆసక్తికరమైన అంశం.
ఈ సినిమాలో కమల్ హాసన్ ఎంట్రీ ఈ సినిమా క్లైమాక్స్‌లో ఉంటుందని తెలుస్తోంది. ప్రభాస్, శ్రుతిహాసన్ జంటగా నటిస్తున్న ఈ సినిమా, మొదటి నుంచి చివరి వరకూ ఉత్కంఠభరితంగా సాగుతుందని ప్రచారం జరుగుతోంది. ఈ సినిమాను రెండు భాగాలుగా తెరకెక్కించబోతున్నారట.
భారీ బడ్జెట్ తో సైన్స్ ఫిక్షన్ యాక్షన్ థ్రిల్లర్‌గా ఈ సినిమాను రూపొందిస్తున్నారు. ఈ మూవీని 5 భాషల్లో విడుదల చేయబోతున్నారు. ఈ సినిమాలో కమల్ హాసన్‌తోపాటు బాలీవుడ్ నటులు అమితాబ్ బచ్చన్, దీపికా పదుకొనే, దిశా పటానీ కీలకపాత్రల్లో నటిస్తున్నారు.
‘ప్రాజెక్టు K’ మొదటి భాగాన్ని వచ్చే ఏడాది జనవరిలో విడుదల చేయాలని భావిస్తున్నారు. సుమారు రూ.500 కోట్లతో వైజయంతీ మూవీస్ బ్యానర్‌పై నిర్మిస్తున్నారు. ఈ చిత్రానికి సంతోష్ నారాయణన్ మ్యూజిక్ అందిస్తున్నారు.
అనుష్క ‘మిస్‌ శెట్టి మిస్టర్‌ పొలిశెట్టి’ టీజర్‌
మెగాస్టార్‌ చిరంజీవి భోళాశంకర్‌ టీజర్‌
