తమిళ నటుడు ధనుష్‌ హీరోగా తెరకెక్కిన చిత్రం ‘అసురన్‌’. భూ వివాదం నేపథ్యంలో తెరకెక్కిన ఈ చిత్రానికి పలువురు సినీ ప్రముఖులు సైతం ప్రశంసల లభించాయి. ఈ నేపథ్యంలో ఈ సినిమాను తెలుగులో రీమేక్‌ చేయనున్నట్లు ప్రముఖ నిర్మాణ సంస్థ సురేశ్‌ ప్రొడక్షన్స్‌ ప్రకటించింది. శ్రీకాంత్‌ అడ్డాల దర్శకత్వం వహించనున్న ఈ రీమేక్‌లో వెంకటేష్‌ నటించనున్నట్లు తెలిపింది. అయితే, ‘అసురన్‌’ చిత్రంలో కీలకమైన ధనుష్‌ సతీమణి మంజువారియర్‌ పాత్రలో ఎవరు నటించనున్నారనే విషయం పై చిత్రబృందం నుంచి ఇప్పటి వరకూ ఎలాంటి ప్రకటన వెలవడలేదు. దీంతో ఈ సినిమాలో వెంకటేష్‌కు జంటగా శ్రియా కనిపించనున్నారంటూ గతకొంతకాలం వార్తలు వచ్చాయి. వీటిపై ఎటువంటి స్పష్టత రాలేదు. తాజాగా ప్రియమణి పేరు కూడా వినిపిస్తోంది. ఈ మేరకు చిత్రబృందం ఇప్పటికే ఆమెను కలిసిందట. కథ కూడా నచ్చడంతో ప్రియమణి సైతం వెంకటేశ్‌ సరసన ‘అసురన్‌’ రీమేక్‌లో నటించడానికి సిద్ధంగా ఉన్నారని టాలీవుడ్‌లో వార్తలు వినిపిస్తున్నాయి. దీనిపై ఎటువంటి అధికారిక ప్రకటన వెలువడలేదు.
వెంకటేష్‌తో ప్రియమణి..!
