టాలీవుడ్‌ నటుడు ప్రియదర్శి కామెడీ టైమింగ్‌ గురించి ప్రత్యేకంగా చెప్పనవసరం లేదు. ఫ్రెండ్స్‌ క్యారెక్టర్లలో ఎక్కువగా కనిపిస్తూ సినిమాకు స్పెషల్‌ అట్రాక్షన్‌గా నిలుస్తుంటాడు. మల్లేశం సినిమాతో హీరోగా మంచి మార్కులు కొట్టిన ప్రియదర్శి ఆ తర్వాత బలగం సినిమాతో సూపర్ బ్రేక్ అందుకున్నాడు.
ఓ వైపు క్యారెక్టర్‌ రోల్స్‌ చేస్తూనే.. మరోవైపు సోలో హీరోగా కూడా రాణిస్తున్నాడు. తాజాగా ప్రియదర్శి కొత్త ప్రాజెక్టుకు సంబంధించిన వార్త ఒకటి ఆన్‌లైన్‌లో హల్ చల్ చేస్తోంది. తాజా సమాచారం ప్రకారం ప్రియదర్శి కోసం క్లాస్ డైరెక్టర్ ఇంద్రగంటి మోహన కృష్ణ ఓ కథను రెడీ చేశాడట.
స్క్రిప్ట్‌ ప్రియదర్శిని కూడా ఇంప్రెస్ చేసినట్టు టాక్‌. మిస్టర్‌ ప్రెగ్నెంట్ ఫేం రూపా కొడువయూర్ హీరోయిన్‌గా నటిస్తున్నట్లు సమాచారం. ఈ మూవీ షూటింగ్‌ 2024 మార్చి నుంచి మొదలు కానున్నట్టు తెలుస్తోండగా.. అధికారిక ప్రకటన రావాల్సి ఉంది.
