మలయాళ నటి ప్రియా ప్రకాశ్‌ వారియర్‌ మల్టీ టాలెంటెడ్ అనిపించుకుంటోంది. కన్నుకొట్టి కుర్రకారును తనవైపు తిప్పుకున్న ఈ భామ ఇప్పుడు తనలోని మరో టాలెంట్‌ను బయటపెట్టింది. ఆమెలో మంచి నటనే కాదు గాయని కూడా ఉందంటోంది. క్రీడా నేపథ్యంలో తెరకెక్కిస్తున్న ఓ మలయాళ సినిమా కోసం ప్రియావారియర్ తొలిసారి పాట పాడింది. గాయకుడు నరేశ్‌ అయ్యర్‌తో కలిసి ఆమె ఈ పాటను ఆలపించారు. కైలాష్‌ మేనన్‌ సంగీతం అందించిన ఈ పాటకు శ్రీరేఖ భాస్కరన్‌ సాహిత్యం సమకూర్చారు. ఈ పాటకు సంబంధించిన టీజర్‌ను ప్రియా వారియర్‌ సోషల్‌మీడియాలో అభిమానులతో పంచుకున్నారు. “నా తొలి ప్రయత్నాన్ని మెచ్చుకున్న మీకంతా నా ధన్యవాదాలు”అని
ఆనందం వ్యక్తం చేసింది.
నితిన్‌ హీరోగా తెరకెక్కుతోన్న ‘రంగ్‌దే’ సినిమాలో ప్రియా వారియర్‌ నటిస్తోంది. ఇటీవలే ఈ సినిమా షూటింగ్‌ ప్రారంభమైంది. ఈ సినిమా పూజా కార్యక్రమానికి ప్రియా వారియర్‌ కూడా హజరయింది. వెంకీ అట్లూరి ఈ సినిమాకు దర్శకత్వం వహిస్తున్నారు. ఇందులో కీర్తి సురేష్‌ కథానాయిక. సితార ఎంటర్‌టైన్‌మెంట్స్‌ సంస్థ నిర్మిస్తోంది. మరోపక్క ప్రియా వారియర్‌ నటించిన బాలీవుడ్‌ సినిమా “శ్రీదేవి బంగ్లా” విడుదలకు సిద్ధమౌతోంది.
I thank you all from the bottom of my heart for the wonderful response to my first attempt!Do watch the full video if you haven’t by clicking the link in my bio. @kailasmenon2000 @nareshiyer @prarun @niranj_maniyanpillaraju @rajishavijayan pic.twitter.com/Zc8UlaLejk
— Priya Prakash Varrier (@priyapvarrier) June 25, 2019
