టాలీవుడ్‌ లో ‘పేపర్ బాయ్’ సినిమాతో ఎంట్రీ.. ‘ఏక్ మినీ కథ’ సినిమాతో మంచి గుర్తింపు తెచుకున్నాడు సంతోష్ శోభన్. ప్రస్తుతం రెండు సినిమాలు – ఒక వెబ్ సిరీస్ షూటింగ్ పూర్తి చేసి మరో సినిమా చిత్రీకరణలో పాల్గొంటున్నాడు. వాటిలో ‘ప్రేమ్ కుమార్’ సినిమా ఒకటి. వినోదమే ప్రధానంగా నిర్మితమైన చిత్ర ‘ప్రేమ్ కుమార్’. అభిషేక్ మహర్షి దర్శకత్వం వహించిన ఈ సినిమా ఫస్టులుక్ తోనే అందరిలో ఆసక్తిని రేకెత్తించింది. తాజాగా ఈ సినిమా నుంచి గ్లింప్స్ ను విడుదల చేశారు. తన మనసుకు నచ్చే అమ్మాయి కోసం పెళ్లికొడుకుగా హీరో పడే పాట్లను కామెడీగా చూపించారు. సరదాగా ఉన్న ఫస్ట్ గ్లిమ్స్ అందరినీ నవ్విస్తోంది. త్వరలోనే ఈ సినిమాను ప్రేక్షకుల ముందుకు తీసుకురానున్నట్టుగా కూడా చెప్పేశారు. ఈ సినిమాలో రాశి సింగ్ హీరోయిన్‌గా నటించనున్నంది.
