టాలీవుడ్ లో వరుణ్ తేజ్ ‘కంచె’ సినిమాతో ఎంట్రీ ఇచ్చిన హీరోయిన్ ప్రగ్యా జైస్వాల్. క్రిష్ డైరెక్షన్‌లో వచ్చిన ఈ సినిమా మంచి విజయం సాధించింది. ఈ సినిమా హిట్ కావడంతో ప్రగ్యాకు వరసగా అవకాశాలు వచ్చాయి. కానీ ఆ సినిమాలు ఈ అమ్మడుకి పెద్దగా కలిసి రాలేదు. ఈ బ్యూటీ గ్లామర్ ఒలకబోస్తున్న పెద్దగా ఉపయోగం లేకుండా పోయింది. తెలుగులో ‘ఆచారి అమెరికా యాత్ర’ సినిమాలో చివరగా కనిపించింది. ఇక పవన్ కల్యాణ్ తన 27 వ సినిమా క్రిష్ దర్శకత్వంలో చేస్తున్నారు. అయితే తాను
పరిచయం చేసిన హీరోయిన్ కు మళ్ళీ తానే అవకాశం ఇవ్వాలని అనుకుంటున్నాడట ఈ దర్శకుడు. పవన్ సినిమాలో ఇద్దరు హీరోయిన్ లు అందులో కీర్తి సురేష్ ఒకరు అని వార్తలు వినిపిస్తున్న సంగతి తెలిసిందే. ఇక ప్రగ్యా జైస్వాల్ ఆ రెండో హీరోయిన్ గా చేస్తున్నారని తెలుస్తోంది. పవన్ కల్యాణ్ సినిమాతో ప్రగ్యాకు అదృష్టం తిరిగి వస్తుంది అని అంటున్నారు. ఇందులో ఎంత నిజం ఉందో వేచి చూడాలి.
