ఇండియన్‌ మైకేల్‌ జాక్సన్‌ ప్రభుదేవా క్రేజ్ గురించి ప్రత్యేకంగా చెప్పాల్సిన అవసరం లేదు. నటుడిగా, దర్శకుడిగా తన టాలెంట్‌ని నిరూపించుకున్నాడు. ఆ మధ్య బాలీవుడ్ లో దర్శకుడిగా వరుస సినిమాలు చేస్తూ వెళ్లిన ఆయన, ఇటీవల నటనపై ఎక్కువగా ఫోకస్ పెట్టాడు. ఒక స్టార్‌ హీరోలకు తప్ప ఇతర హీరోలకు ఆయన కొరియోగ్రఫీ చేయడం తగ్గించేశాడు.
ఈ క్రమంలో ప్రభుదేవా మెగా పవర్‌ స్టార్‌ రామ్ చరణ్ – శంకర్‌ కాంబినేషన్‌లో వస్తున్న ఆర్సీ15 కోసం పని చేస్తున్నట్లు తెలుస్తుంది. అయితే ఈ సినిమాకు సంబంధించిన షూటింగ్ తో పాటు పాటల చిత్రీకరణ కూడా ఎప్పటి నుంచో సాగుతుంది. ఇప్పటికే చెర్రీ కియారా అద్వాణీలతో న్యూజిలాండ్ బాస్కో సీజర్ కొరియోగ్రఫీలో ఓ పాటను తెరకెక్కించారు.
తాజాగా రెండో పాటను షూట్ చేస్తున్నారు. ఈపాటకు ప్రభుదేవా కొరియోగ్రఫీ చేయనున్నట్లు టాక్‌. అయితే ఈ ముగ్గురి కాంబోలో తెరకెక్కబోతున్న ఈ పాటకు రోజుకో ఏరియాలో చిత్రీకరణ జరుగుతోంది. ఆర్సీ15 సినిమాలో అదిరిపోయే డ్యాన్సులు ఉండబోతున్నాయని.. తాము పండగ చేసుకోవచ్చని భావిస్తున్నారు.
అయితే ఈ సినిమాలో రామ్ చరణ్ తో డ్యూయల్ రోల్ చేయిస్తున్నాడు. ఈ సినిమాలో అంజలి, కియారా అద్వాణీలు హీరోయిన్లుగా నటిస్తున్నారు. అంజలి ఫ్లాష్ బ్యాక్ ఎపిసోడ్స్ లో రామ్ చరణ్ భార్యగా కనిపించనున్నారు. హీరో శ్రీకాంత్ ముఖ్యమంత్రిగా నటిస్తున్నారు.శ్రీ వెంకటేశ్వర క్రియేషన్స్ పతాకంపై దిల్ రాజు శిరీశ్ ప్రతిష్టాత్మకంగా ఈ చిత్రాన్ని నిర్మిస్తున్నారు. తమన్ సంగీతం అందిస్తున్నాడు.
బాలీవుడ్ కొరియోగ్రాఫర్‌తో రామ్ చరణ్ డాన్స్‌.. వైరల్‌
