Raja Saab shooting update:
ప్రభాస్ ప్రస్తుతం మారుతి దర్శకత్వంలో తీసుకుంటున్న రాజా సాబ్ చిత్ర షూట్ లో పాల్గొంటున్నారు. చాలా కాలం క్రితం ఈ చిత్రం షూటింగ్ ప్రారంభమైంది. అయితే ప్రభాస్ ఇప్పటికే సలార్, కల్కి 2898 AD చిత్రాల షూట్‌లు పూర్తి చేయగా.. ఆ సినిమాలు ప్రణాళిక ప్రకారం విడుదలయ్యాయి.
ఇప్పుడు, ప్రభాస్ రాజా సాబ్ చిత్ర షూట్‌ని త్వరగా పూర్తి చేయాలని ప్లాన్ చేస్తున్నారు. తాజా సమాచారం ప్రకారం, నవంబర్ చివరికల్లా ఈ చిత్రానికి సంబంధించిన షూట్ పూర్తవుతుందని తెలుస్తోంది. ఈ సినిమా కోసం ప్రభాస్ ప్రత్యేకంగా డేట్లు కేటాయించారట. దర్శకుడు మారుతిని నవంబర్ చివరికల్లా షూటింగ్ పార్ట్ ముగించమని ఆర్డర్ కూడా వేశారట.
మాళవిక మోహనన్, నిధి అగర్వాల్ ఈ హారర్ రొమాంటిక్ కామెడీ సినిమాలో ప్రధాన కథానాయికలు. ఈ సినిమా షూటింగ్‌లో ఎక్కువ భాగం ప్రత్యేకంగా నిర్మించిన సెట్‌లో జరిగింది. ఈ చిత్రాన్ని పీపుల్ మీడియా ఫ్యాక్టరీ వారు నిర్మిస్తున్నారు. థమన్ ఈ సినిమాకి సంగీత దర్శకుడిగా వ్యవహరిస్తున్నారు.
ఇప్పటికే రాజా సాబ్ చిత్రంలో ప్రభాస్ ఫస్ట్ లుక్ విడుదలై మంచి రెస్పాన్స్ అందుకుంది. అభిమానులు ఎంతో ఆసక్తిగా ఎదురుచూస్తున్న రాజా సాబ్ టీజర్, ప్రభాస్ పుట్టినరోజు సందర్భంగా అక్టోబర్ 29న విడుదల చేయనున్నారు. ప్రభాస్ ఈ ఏడాది హను రాఘవపూడి దర్శకత్వంలో ఫౌజీ అనే మరో చిత్రంలో నటించేందుకు సిద్దమవుతున్నారు. అలాగే, వచ్చే ఏడాది సందీప్ రెడ్డి వంగా దర్శకత్వంలో స్పిరిట్ అనే చిత్రంలో కూడా ప్రభాస్ నటించనున్నారు.
Read More: RC16: రామ్ చరణ్ తో సినిమా కోసం రైటర్స్ కి ఇస్తున్న రెమ్యూనరేషన్ ఎంతో తెలుసా?
