యంగ్‌ రెబల్‌ స్టార్‌ ప్రభాస్‌ నటిస్తున్న తాజా చిత్రం ‘సలార్’. ప్రశాంత్‌ నీల్‌ డైరెక్షన్‌లో వస్తున్న ‘సలార్’ మూవీ ఫస్ట్‌ షూటింగ్‌ షెడ్యూల్‌ గోదావరిఖని సింగరేణి కోల్‌మైన్స్‌లో జరుపుకున్న సంగతి తెలిసిందే. బొగ్గు గనుల సమీపంలో దాదాపు పది రోజుల పాటు ఈ మూవీ షూటింగ్‌ జరిగింది. ఈ నేపథ్యంలో అక్కడి షూటింగ్‌ సెట్స్‌లోని ప్రభాస్‌ సంబంధించి పలు ఫొటోలు లీక్‌ అవుతూ సోషల్‌ మీడియాను షేక్‌ చేస్తున్నాయి. తాజాగా మరో ఫొటో కూడా బయటకొచ్చింది. ఇందులో ప్రభాస్‌ బోగ్గు గనుల్లో బుల్లెట్‌ బైక్‌ నడుపుతూ కనిపించాడు. ప్రస్తుతం ఈ ఫొటో సోషల్‌ మీడియాలో చక్కర్లు కొడుతోంది. హోంబలే ఫిలిమ్స్‌ పతాకంపై బ్లాక్‌ బస్టర్‌ మూవీ ‘కేజీఎఫ్‌’ నిర్మించిన విజయ్‌ కిరగందూర్‌ ఈ చిత్రాన్ని నిర్మించనున్నారు. ఇందులో శృతీ హాసన్‌ హీరోయిన్‌గా నటిస్తుంది. ఇక ప్రభాస్‌ నటించిన ‘రాధేశ్యామ్’ షూటింగ్‌ కూడా చివరి దశకు చేరుకుంది. వీటి తర్వాత ‘ఆదిపురుష్’, నాగ్‌ అశ్విన్‌ దర్శకత్వంలో ఓ సినిమా సినిమాలు చేయాల్సి ఉంది.
‘సలార్’ నుంచి ప్రభాస్‌ ఫొటో లీక్‌
