యంగ్‌ రెబల్‌ స్టార్‌ ప్రభాస్‌ ఫ్యాన్స్‌ ఎదరుచూస్తోన్న టైమ్‌ వచ్చేసింది. ప్రభాస్‌ హీరోగా నటిస్తోన్న ‘రాధేశ్యామ్‌’ చిత్రానికి సంబంధించిన ఫస్ట్‌లుక్‌ పోస్టర్‌ విడుదలయ్యింది. రాధాకృష్ణ కుమార్‌ డైరెక్షన్‌లోవ వస్తున్న ఈ చిత్రంలో పూజాహెగ్డే హీరోయిన్‌గా నటిస్తోంది. ప్రభాస్‌ పుట్టినరోజును(అక్టోబర్‌ 23) సందర్భంగా ‘రాధేశ్యామ్‌’ సినిమా నుండి ఆయన లుక్‌ను తెలియజేసేలా సరికొత్త పోస్టర్‌ను విడుదల చేసింది. ఈ చిత్రంలో విక్రమాదిత్య అనే పాత్రలో కనిపించనున్నారు. చాలా రోజుల తర్వాత ప్రభాస్‌ చిత్రానికి సంబంధించిన సరికొత్త అప్‌డేట్‌ రావడంతో అభిమానులు ఉత్సాహంగా ఉన్నారు. ఈ సినిమాని గోపీకృష్ణ మూవీస్‌, యూవీ క్రియేషన్స్‌ సంస్థలు సంయుక్తంగా నిర్మిస్తున్నాయి. జస్టిన్‌ ప్రభాకరన్‌ ఈ చిత్రానికి స్వరాలు అందిస్తున్నారు. తెలుగుతోపాటు హిందీ, తమిళం, మలయాళం, కన్నడ భాషల్లో ఈ చిత్రాన్ని విడుదల చేయనున్నట్లు చిత్రవర్గాలు వెల్లడించాయి. ప్రస్తుతం ఈ సినిమా షూటింగ్‌ ఇటలీలో జరుగుతోంది.
ప్రభాస్‌ ‘రాధేశ్యామ్‌’ న్యూపోస్టర్‌
