కృష్ణంరాజు పుట్టినరోజు వేడుకలను ఘనంగా నిర్వహించారు. ఈ వేడుకలకు యంగ్‌ రెబల్‌ స్టార్‌ ప్రభాస్‌తో పాటు మెగాస్టార్‌ చిరంజీవి, కలెక్షన్‌ కింగ్‌ మోహన్‌బాబు కుటుంబసభ్యులతోపాటు ఇతర సినీ ప్రముఖులు కూడా హాజరయ్యారు. ఈ పార్టీకి సంబంధించిన కొన్ని ఫొటోలను మంచు లక్ష్మి తన ఇన్‌స్టాగ్రామ్‌లో పోస్ట్‌ చేశారు. అలాగే ప్రభాస్‌తో కలిసి దిగిన ఫొటోను షేర్‌ చేసిన లక్ష్మి.. ‘ మనం ఎంత క్యూట్‌గా ఉన్నాం ప్రభాస్?’ అని అడిగారు. అయితే ఈ పార్టీకి హాజరైన మోహన్‌బాబు, ప్రభాస్, విష్ణులు బ్లాక్‌ డ్రెస్‌ కోడ్‌తో కనిపించారు.
కాగా ప్రభాస్ ప్రస్తుతం ‘జాన్‌’ అనే సినిమాలో నటిస్తున్నారు. తాజా ఫొటోలను గమనిస్తే ప్రభాస్ కొద్దిగా బరువు తగ్గినట్టుగా కనిపిస్తున్నాడు. దీంతో ప్రభాస్ కొత్త సినిమా లుక్‌ ఇదేనని అభిమానులు సోషల్‌ మీడియాలో కామెంట్లు చేస్తున్నారు.
