పాన్ ఇండియా స్టార్‌ ప్రభాస్ హీరోగా నటిస్తున్న తాజా చిత్రం ‘ప్రాజెక్ట్‌ K’. వైజయంతీ మూవీస్ బ్యానర్ లో ఈసినిమా భారీ బడ్జెట్‌తో రూపొందుతోంది. ఇప్పటికే 80 శాతం షూటింగ్‌ పూర్తైంది. ఇది పాన్ ఇండియా సినిమా కాదు .. పాన్ వరల్డ్ సినిమా అని దర్శకుడు నాగ్ అశ్విన్ చెప్పిన దగ్గర నుంచి అందరిలో అంచనాలు పెరుగుతూ వెళుతున్నాయి.
ఇది ప్రభాస్ చేస్తున్న ఫస్ట్‌ ‘సైన్స్ ఫిక్షన్’ మూవీ ఇది. దీపిక పదుకొణె హీరోయిన్‌గా నటిస్తోంది. సైంటిస్ట్ గా అమితాబ్ కనిపించనుండగా .. కమల్ హాసన్‌ విలన్‌గా నటిస్తుంది. ఇక ఇతర ముఖ్యమైన పాత్రలలో వివిధ భాషలకి చెందిన నటీనటులు కనిపించనున్నారు. సాంకేతిక పరంగా కూడా ఈ సినిమా అనేక ప్రత్యేకతలను సంతరించుకుంది. ఇటీవలే ఈ సినిమా నుండి దీపిక ఫస్టులుక్ ను వదిలిన టీమ్, కొంత సేపటి క్రితం ప్రభాస్ ఫస్టులుక్ పోస్టర్ ను కూడా రిలీజ్ చేసింది.
ప్రభాస్ లుక్‌ కోసం ప్రేక్షకులు ఎంతో ఆసక్తిగా ఎదురుచూస్తున్నారు. తాజాగా విడుదలైన ఈ పోస్టర్‌లో ‘అవెంజర్స్’ తరహాలో ఒక డిఫరెంట్ కనిపిస్తున్నాడు ప్రభాస్. అయితే ఈలుక్‌పై మిక్స్డ్ రెస్పాన్స్ వస్తోంది. నెటిజన్లు రకరకాలుగా స్పందిస్తున్నారు. ఏది ఏమైనా ప్రస్తుతం ఈ పోస్టర్ సోషల్ మీడియాలో వైరల్‌గా మారింది.
ఈ సినిమా రెండు భాగాలుగా రానుందనే ప్రచారం జరిగింది. కానీ అందులో నిజం లేదని తేలిపోయింది. వచ్చే ఏడాది జనవరి 12వ తేదీన ప్రపంచవ్యాప్తంగా వివిధ భాషల్లో ఈ సినిమాను విడుదల చేయనున్నారు.
