కన్నడ సూపర్‌స్టార్‌ పునీత్ రాజ్ కుమార్ నటించిన చివరి చిత్రం ‘జేమ్స్’ విడుదల రెడీ అవుతుంది. మార్చి17న ఈ సినిమా ప్రేక్షకుల ముందుకు రానుంది. ఈ నేపథ్యంలో నిన్న జేమ్స్ మూవీ టీజర్‌ను రిలీజ్‌ చేసింది మూవీ యూనిట్‌. ఈ నేపథ్యంలో పునీత్‌ను గుర్తు చేసుకుంటు పాన్‌ ఇండియా స్టార్ ప్రభాస్‌ ఓ ఎమోషనల్ పోస్ట్ షేర్‌ చేశాడు. ఈ సందర్భంగా జేమ్స్ మూవీలోని పునీత్ పోస్టర్‌ను షేర్‌ చేశాడు ప్రభాస్‌.
ఈ పోస్ట్‌లో ప్రభాస్‌ ‘మ్జేమ్స్’ రూపంలో మనం అద్భుతమైన కళాఖండాన్ని చూడబోతున్నాం. పవర్ స్టార్ పునీత్ రాజ్ కుమార్ సర్‌ని అభిమానించే లక్షలాది మందికి ఈ చిత్రం ఎప్పుడూ ప్రత్యేకమైనదే. వీ మిస్ యూ సర్’ అంటూ రాసుకొచ్చాడు. ప్రస్తుతం ఈ పోస్ట్ సోషల్‌ మీడియాలో వైరల్‌ అవుతోంది. ఇదిలా ఉంటే ప్రభాస్‌ తాజాగా నటించిన ‘రాధే శ్యామ్’ చిత్రం మార్చి 11న విడుదల కానున్న సంగతి తెలిసిందే. కాగా పునీత్ రాజ్‌కుమార్‌ గతేడాది అక్టోబర్‌ 29న గుండెపోటుతో మరణించారు విషయం తెలిసిందే.
