ప్రస్తుతం టాలీవుడ్‌ సినిమాలు ట్రెండ్‌ సెట్‌ చేస్తున్నాయి. కొత్త కథలతో.. ప్రజెంటెషన్‌తో తెలుగు సినిమాలు అందరి చూపులు తమవైపు తిప్పుకుంటున్నాయి. చిన్న సినిమాగా విడుదలై భారీ విజయాలను సొంతం చేసుకుంటున్నాయి. తాజాగా విడుదలై ‘గామి’ ట్రైలర్‌కు కూడా మంచి స్పందన వస్తుంది. హాలీవుడ్‌ రెంజ్ లో విజువల్స్‌ ఉన్నాయి అని నెటిజన్లు ప్రశంసలు చేస్తున్నారు. ఒక్క ట్రైలర్‌తో సినిమాపై భారీ హైప్స్‌ ఏర్పడ్డాయి. ఈ క్రమంలో డార్లింగ్‌ ప్రభాస్ కామెంట్స్‌ ఈ సినిమాకి మరింత బూస్ట్‌ని ఇచ్చాయి.
ఇక ఈ ట్రైలర్ ని ముందుగానే చూసేసిన ప్రభాస్.. ఈ లాంచ్ ఈవెంట్ కి ఒక వీడియో చేసి మూవీ యూనిట్ కి పంపించారు. ఆ వీడియోలో ప్రభాస్ మాట్లాడుతూ.. ‘గామి ట్రైలర్ నాకు బాగా నచ్చేసింది. ప్రతి డిపార్ట్మెంట్ యొక్క హార్డ్ వర్క్ ట్రైలర్ లో కనిపిస్తుంది. విశ్వక్ సేన్ కూడా బాగా చేశాడు. ట్రైలర్ చూసిన తరువాత నేనే కావాలని ఈ వీడియో మెసేజ్ ఇవ్వాలని అనుకున్నాను. అంత బాగా నచ్చేసింది ట్రైలర్. మూవీ సూపర్ హిట్ అవుతుంది’ అంటూ పేర్కొన్నారు. ప్రస్తుతం ఈ వీడియో సోషల్‌ మీడియాలో వైరల్ గా మారింది.
ఈ సినిమా మార్చి 8న రిలీజ్ కాబోతుంది. కార్తీక్ శబరీష్ నిర్మించిన ఈ చిత్రాన్ని యూవీ క్రియేషన్స్ థియేటర్స్ రిలీజ్ చేయబోతుంది. విశ్వక్ సేన్ ఈ సినిమాలో అఘోరగా సరికొత్త పాత్రలో కనిపించబోతున్నారు. విశ్వక్ సేన్ హీరోగా – విద్యాధర్ దర్శకత్వంలో వచ్చిన ఈ సినిమాలో చాందిని చౌదరి, అభినయ ప్రధాన పాత్రల్లో నటిస్తున్నారు. ఈ ట్రైలర్ ఈవెంట్ కి సందీప్ రెడ్డి వంగ ముఖ్య అతిథిగా వచ్చారు.
A HUMONGOUS APPRECIATION for #Gaami 🌟
Rebel Star #Prabhas Garu is full of praise for the #GaamiShowreelTrailer and extends his best wishes to the team ❤🔥
Grand release worldwide on March 8th 🧿@VishwakSenActor @iChandiniC @KarthikSabaresh… pic.twitter.com/uh1mmE1vHT
— UV Creations (@UV_Creations) March 1, 2024
