యంగ్‌ రెబల్‌ స్టార్‌ ప్రభాస్ ‘బాహుబలి’ సినిమా తరువాత వరుసగా భారీ బడ్జెట్ సినిమాలకు గ్రీన్ సిగ్నల్ ఇస్తున్నాడు. ప్రస్తుతం ‘రాధే శ్యామ్’లో నటిస్తున్న ప్రభాస్.. త్వరలో బాలీవుడ్ డైరెక్టర్ ఓం రౌత్ దర్శకత్వంలో ‘ఆదిపురుష్’లో ప్రభాస్ నటించబోతున్నాడు. ఈ చిత్రంలో పలువురు బాలీవుడ్ స్టార్లు నటించనున్నారు. మరోవైపు, నాగ్ అశ్విన్ దర్శకత్వంలో ఓ సినిమా చేయాల్సి ఉంది. ఈ నేపథ్యంలో ప్రభాస్ చేయబోతున్న మరో సినిమాకు సంబంధించిన ప్రకటన వెలువడింది.
‘కేజీఎఫ్’ వంటి సూపర్ హిట్ చిత్రాన్ని తెరకెక్కించిన ప్రశాంత్ నీల్ తో ప్రభాస్ తరుపరి ప్రాజెక్టును చేయబోతున్నాడు. ఈ సినిమాకు సంబంధించిన అధికారిక ప్రకటన కాసేపటి క్రితం వెలువడింది. ‘సలార్’ పేరుతో ఈ సినిమా తెరకెక్కబోతోంది. ఈ చిత్రాన్ని హొంబలే ఫిలింస్ బ్యానర్ పై విజయ్ కిరగందూర్ నిర్మించబోతున్నారు. మాఫియా డాన్ కథతో ఈ చిత్రం తెరకెక్కబోతున్నట్టు తెలుస్తోంది. చిత్ర యూనిట్ విడుదల చేసిన ఫస్ట్‌లుక్ కూడా పోస్టర్ కూడా దీనినే వివరిస్తోంది. అయితే ఈ సినిమా ఎప్పుడు స్టార్ట్‌ అవుతుందో తెలియాల్సి ఉంది.
