మాటల మాంత్రికుడు త్రివిక్రమ్ తన తదుపరి సినిమాను యంగ్ టైగర్‌ ఎన్టీఆర్ తో చేయనున్నాడనే విషయం ఖరారైపోయింది. కథపై కసరత్తు పూర్తి కాగానే, ఎన్టీఆర్ తో కలిసి ఆయన సెట్స్ పైకి వెళ్లనున్నాడు. ఈ సినిమాలో హీరోయిన్‌గా ఎవరిని ఎంపిక చేస్తారు అనే ఆసక్తి అభిమానుల్లో పెరుగుతూ పోతోంది. ఈ నేపథ్యంలోనే పూజా హెగ్డే .. రష్మిక పేర్లు ముఖ్యంగా వినిపిస్తున్నాయి.
త్రివిక్రమ్ ఇంతకుముందు చేసిన ‘అరవింద సమేత ‘లోను .. ‘అల వైకుంఠపురము’లో సినిమాల్లో పూజా హెగ్డే హీరోయిన్‌గా నటించింది. ఈ రెండు సినిమాలు విజయవంతం కావడం వలన, ఆ సెంటిమెంటుతో మళ్లీ ఆమెను తీసుకోవచ్చనే వార్తలు వినిపిస్తున్నాయి. ఇక మరో వైపున రష్మిక కూడా వరుస హిట్లతో తన జోరు చూపిస్తోంది. అందువలన జోడీ కొత్తగా అనిపిస్తుందనే ఉద్దేశంతో ఆమెను ఎంపిక చేసే అవకాశాలు కూడా ఎక్కువేననే అభిప్రాయాలు వ్యక్తమవుతున్నాయి.
