ప్రముఖ దర్శకుడు మణిరత్నం డైరెక్షన్‌లో రూపొందిన చిత్రం ‘పొన్నియన్ సెల్వన్’. లైకా ప్రొడక్షన్స్ వారు నిర్మించిన ఈ చారిత్రక చిత్రం, రాజరాజ చోళ పాలనా కాలంలో సాగుతుంది. విక్రమ్, కార్తి, జయం రవి, ఐశ్వర్య రాయ్, ఐశ్వర్య లక్ష్మి ప్రధానమైన పాత్రలను పోషించారు. ఏఆర్ రెహ్మాన్ ఈ సినిమాకి సంగీతాన్ని సమకూర్చాడు.
తమిళంతో పాటు తెలుగు .. మలయాళ .. కన్నడ .. హిందీ భాషల్లో ఈ సినిమాను సెప్టెంబర్ 30వ తేదీన విడుదల చేయనున్నారు. ఈ నేపథ్యంలో కొంతసేపటి క్రితం ఈ భాషలన్నింటిలోను టీజర్ ను విడుదల చేశారు. తెలుగు టీజర్ ను మహేశ్ బాబు చేతులమీదుగా విడుదల చేయించారు.
ప్రధానమైన పాత్రలను కవర్ చేస్తూ కట్ చేసిన ఈ టీజర్ లో, పోరాట సన్నివేశాలను హైలైట్ చేశారు. అలాగే కథలోని కొన్ని సున్నితమైన అంశాలను డైలాగ్స్ లేకుండా టచ్ చేశారు. ఏఆర్ రెహ్మాన్ సంగీతం ఈ సినిమాకి హైలైట్ గా నిలిచేలా కనిపిస్తోంది.
