తెలుగు హాట్‌ యాంకర్ శ్రీముఖిపై బంజారాహిల్స్‌ పోలీస్‌ స్టేషన్‌‌లో కేసు నమోదైంది. పోలీసులు అందించిన సమాచారం మేరకు… నల్లకుంట నుంచి వచ్చిన శర్మ అనే వ్యక్తి ఈ ఫిర్యాదు చేశాడు. ఓ ప్రముఖ టెలివిజన్‌ ఛానల్‌‌లో శ్రీముఖి యాంకర్‌గా వ్యవహరించిన ఓ షోలో బ్రాహ్మణుల మనోభావాలు దెబ్బతినేలా.. వాళ్లను కించ పరిచేలా శ్రీముఖి వ్యాఖ్యలు చేసిందని ఆరోపిస్తూ శర్మ బంజారాహిల్స్‌ పోలీసులను ఆశ్రయించాడు.
శర్మ ఫిర్యాదు మేరకు శ్రీముఖితో పాటు, ఆ ప్రముఖ ఛానెల్ యాజమాన్యంపై కూడా పోలీసులకు ఫిర్యాదు చేశాడు ఈయన.. దాంతో వాళ్లపై కూడా కేసు నమోదు చేశారు. ఈ ఘటనకు సంబంధించి పూర్తి వివరాలు తెలియాల్సి ఉంది. తెలుగు బుల్లితెరపై తనకంటూ ప్రత్యేక గుర్తింపు సంపాదించుకుంది శ్రీముఖి. అన్ని ప్రముఖ ఛానెల్స్‌లో కూడా ఈమె కార్యక్రమాలు చేస్తుంది. అందులో కొన్ని రియాలిటీ షోస్ట్‌ కూడా చేస్తుంది.
