‘హుషారు’ ఫేమ్ దినేష్ తేజ్ హీరోగా నటించిన తాజా చిత్రం ‘ప్లే బ్యాక్’. అనన్య నాగళ్ల హీరోయిన్ గా నటించింది. డైరెక్టర్ సుకుమార్ వద్ద దర్శకత్వ శాఖలో పనిచేసి ‘1 నేనొక్కడినే’ సినిమాకి కథ అందించిన హరి ప్రసాద్ జక్కా ఈ చిత్రానికి డైరెక్షన్‌ వహించారు. గతేడాది మార్చిలో ప్రేక్షకుల ముందుకు వచ్చిన ఈ సినిమా మంచి రివ్యూస్ రాబట్టి విమర్శకుల ప్రశంసలు అందుకుంది. డిఫరెంట్ కాన్సెప్ట్ తో తెరకెక్కిన ఈ చిత్రాన్ని ఇప్పుడు ఓటీటీలో విడుదల చేస్తున్నారు. తెలుగు ఓటీటీ ‘ఆహా’ లో మే 21 నుంచి ”ప్లే బ్యాక్” మూవీ స్ట్రీమింగ్ కానుంది. ఈ నేపథ్యంలో సినిమాకు సంబంధించిన ట్రైలర్ ను మేకర్స్ రిలీజ్ చేశారు. సీనియర్ నటుడు సూర్య, అర్జున్ కళ్యాణ్ , స్పందన కీలక పాత్రలు పోషించారు. శ్రీ వెంకటేశ్వర ఆర్ట్ క్రియేషన్స్ బ్యానర్ పై ప్రసాద్ రావు పెద్దినేని ‘ప్లే బ్యాక్’ చిత్రాన్ని నిర్మించారు.
ప్లే బ్యాక్ ట్రైలర్
