పవర్ స్టార్ పవన్ కల్యాణ్, సాయిధరమ్ తేజ్ కలిసి నటించిన ‘బ్రో’ చిత్రం తుది మెరుగులు దిద్దుకుంటోంది. . సముద్రఖని దర్శకత్వం వహిస్తున్న ఈ మూవీ నుంచి రెండో సింగిల్ విడుదల చేశారు. ‘జాణవులే నెరజాణవులే’ అంటూ సాగే ఈ రొమాంటిక్ గీతాన్ని సాయిధరమ్ తేజ్, కేతికా శర్మపై చిత్రీకరించారు.
తమన్ బాణీలకు కాసర్ల శ్యామ్ సాహిత్యం అందించారు. ఈ పాటను తమన్, ప్రణతి ఆలపించారు. ఈ పాటను తిరుపతిలో అభిమానుల సమక్షంలో విడుదల చేశారు.
బ్రో మూవీ ఇటీవలే డబ్బింగ్ కూడా పూర్తి చేసుకుంది. ఈ నెల 28న విడుదలకు సిద్ధమవుతోంది. పీపుల్స్ మీడియా ఫ్యాక్టరీ పతాకంపై జీ స్టూడియోస్‌తో కలిసి టీజీ విశ్వప్రసాద్ నిర్మించారు.
‘బ్రో’ మూవీ నుంచి ఇటీవల విడుదలైన మైడియర్ మార్కండేయ సాంగ్‌కు విపరీతమైన క్రేజ్ వస్తోంది. పవన్, సాయిధరమ్ తేజ్‌పై చిత్రీకరించిన ఆ పాట లిరికల్ వీడియోకు యూట్యూబ్‌లో వ్యూస్ భారీ స్థాయిలో వస్తున్నాయి.
ఈ చిత్రంలో పవన్ కల్యాణ్, సాయిధరమ్ తేజ్ తో పాటు కేతికా శర్మ, ప్రియా ప్రకాశ్ వారియర్, బ్రహ్మానందం, తనికెళ్ల భరణి, వెన్నెల కిషోర్, సుబ్బరాజు తదితరులు నటించారు.
