Pawan Kalyan Surender Reddy Movie:
పవర్ స్టార్ పవన్ కళ్యాణ్ గత కొంతకాలంగా.. అటు సినిమాలతోనూ.. ఇటు రాజకీయాలతోనూ బిజీగా ఉన్నారు. రాజకీయాల్లోకి వచ్చాక.. పవన్ కళ్యాణ్ సినిమాలో స్పీడ్ బాగా తగ్గించేశారు అని చెప్పుకోవచ్చు. అయితే గత ఏడాది ఆంధ్రప్రదేశ్ ఎన్నికల సమయం నుంచి.. పవన్ కళ్యాణ్ అసలు సినిమాల జోలికి వెళ్లడం లేదు.
ప్రస్తుతానికి పవన్ కళ్యాణ్ చేతిలో బోలెడు ఆసక్తికరమైన ప్రాజెక్టులు ఉన్నాయి. అందులో అన్ని సగం సగం పూర్తయిన సినిమాలే. ఒకటి కూడా ఇంకా పూర్తవలేదు. దీంతో మళ్లీ పవన్ కళ్యాణ్ ఎప్పుడు షూటింగ్ మొదలుపెడతారు అని అందరూ ఎదురు చూస్తున్నారు. ప్రస్తుతం చేతిలో ఉన్న సినిమాలు పక్కనపడితే పవన్ కళ్యాణ్ 2019లోనే సురేందర్ రెడ్డి దర్శకత్వంలో ఒక సినిమాకి గ్రీన్ సిగ్నల్ ఇచ్చారు.
2019 ఎన్నికలు తర్వాత మరొకసారి 2024 లో కూడా ఎన్నికలు వచ్చాయి కానీ ఈ సినిమా మాత్రం ఇంకా మొదలవలేదు. దీంతో అసలు సినిమా గురించి క్లారిటీ ఇవ్వమని కోరగా చిత్ర నిర్మాత రియాక్ట్ అయ్యారు. ముందు మన చేతిలో ఏమీ లేదు కదా అని నిర్మాత చేతులు దులుపుకోవాలని ప్రయత్నించారు.
కానీ కనీసం తమ సైడ్ పని గురించి క్లారిటీ ఇవ్వమని అడగగా.. ప్రొడక్షన్ సైడ్ నుంచి కథ లాక్ అయిపోయిందని.. పూజ కూడా పూర్తయిపోయిందని చెప్పారు నిర్మాత. ఇక పవన్ కళ్యాణ్ కు ఎప్పుడు కుదిరితే అప్పుడే షూటింగ్ మొదలవుతుంది అని క్లారిటీ ఇచ్చారు. ఈ మధ్యకాలంలో కలిసారా అని అడగగా గత నెలలోనే కలిశానని చెప్పారు నిర్మాత రామ్ తాళ్లూరి.
అయితే ఈ సినిమా గురించి పక్కన పెడితే ఆకులు సినిమాలు ఎప్పటినుంచి మొదలుపెడతారు అని ఏమైనా చెప్పారా అని అడిగితే.. “అది నేను మీకు చెప్పలేను కానీ వీలు ఉన్నప్పుడు కచ్చితంగా చేస్తారు” అని అన్నారు రామ్. దీంతో పవన్ కళ్యాణ్ మళ్ళి సినిమా షూటింగ్స్ త్వరగా మొదలుపెడితే బాగుంటుంది అని అభిమానులు కామెంట్లు చేస్తున్నారు.
