పవర్‌ స్టార్‌ పవన్ కళ్యాణ్.. అజ్ఞాతవాసి తరువాత మరో సినిమా చేయలేదు. రాజకీయాల్లో బిజీగా ఉన్నారు. పార్ట్ టైమ్ రాజకీయాలు కాకుండా ఫుల్ టైం రాజకీయాలు చేయాలని డిసైడ్ అయ్యాడు. కానీ, గత ఎన్నికలు పవన్‌కు చేదు అనుభవం మిగిల్చాయి. మరలా సినిమాల్లోకి వస్తారని అప్పటి నుంచే వదంతులు వినిపించాయి. సినిమాల్లోకి వచ్చేందుకు సిద్ధంగా లేనని చెప్పిన పవన్ ఇప్పుడు సినిమా చేసేందుకు సిద్ధం అయ్యారు.
హిందీలో సూపర్ హిట్టైన పింక్ సినిమాను తెలుగులో లాయర్ సాబ్ గా రీమేక్ చేస్తున్నారు. దిల్ రాజు బోనీ కపూర్ లు సంయుక్తంగా ఈ సినిమాను నిర్మిస్తున్నారు. ఈ సినిమా ఎప్పుడో స్టార్ట్ కావాల్సి ఉన్న పవన్ కళ్యాణ్ కోసమే ఎదురు చేస్తూ వస్తున్నారు. ఎట్టకేలకు పవన్ సినిమాలో నటించేందుకు ఒప్పుకోవడంతో స్పీడ్ పెంచారు. ఈనెల 20 వ తేదీ నుంచి సినిమా రెగ్యులర్ షూటింగ్ జరగబోతున్నట్టు తెలుస్తోంది. ఆరోజు నుంచి పవన్ కళ్యాణ్ ఈ సినిమా షూటింగ్ లో పాల్గొనబోతున్నారని సమాచారం.
